Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Zekariya 11:1-17

IVYO VILI MU BUKU ILI

  • Uheni wa kukana muliska wa Chiuta (1-17)

    • “Liska mskambo uwo ukomekenge” (4)

    • Ndodo ziŵiri: Utozi na Umoza (7)

    • Malipiro gha muliska: Masiliva 30 (12)

    • Ndalama zaponyeka mu chakusungiramo (13)

11  “Jura milyango yako, iwe Lebanoni, Kuti moto unyeske makuni ghako gha sidara.   Tengera, iwe khuni la junipa, pakuti sidara lawa, Makuni ghakuzirwa ghanangika! Tengerani, imwe makuni gha oku gha ku Bashani, Pakuti nkhorongo yikuru yadumulikira pasi!   Pulikani! Kutengera kwa ŵaliska, Pakuti uchindami wawo wapankhuka. Pulikani! Kubangura kwa nkhalamu ziwukirano, Pakuti thung’unda* likuru la mu Yorodani laparanyika.  “Ichi ndicho Yehova Chiuta wane wayowoya, ‘Liska mskambo uwo ukomekenge,+  uwo awo ŵakuwugura ŵakuwukoma+ kweni ŵakupika mulandu chara. Ndipo awo ŵakuwuguliska+ ŵakuti: “Mphanyi Yehova walumbika pakuti niŵenge musambazi.” Ndipo ŵaliska ŵa mskambo ŵakuwulongora chiwuravi chara.’+  “‘Pakuti nizamuleka kuŵalongora chiwuravi awo ŵakukhala pa charu,’ ndimo wayowoyera Yehova. ‘Ntheura munthu waliyose nizamumuwiskira mu woko la mzengezgani wake na themba lake. Ŵazamung’anya charu, ndipo nizamuŵathaska chara mu woko lawo.’”  Nkhamba kuliska mskambo wakuti ukomekenge,+ chifukwa cha imwe, imwe mskambo wakusuzgika. Ntheura nkhatora ndodo ziŵiri, yimoza nkhayithya Utozi, ndipo yinyake nkhayithya Umoza,+ ndipo nkhamba kuliska mskambo.  Nkhafumiskapo ŵaliska ŵatatu mu mwezi umoza, chifukwa nkhatondeka kuŵazizipizgira, ndipo nawo ŵakanitinkha.  Ndipo nkhati: “Niŵengeso muliska winu yayi. Uyo wakufwa, wafwe, ndipo uyo wakuparanyika, waparanyike. Ndipo awo ŵakhalapo, ŵalekani ŵaryane yumoza na munyake.” 10  Ntheura nkhatora ndodo yane ya Utozi+ na kuyidumura, kuswa phangano lane ilo nkhachita na ŵanthu wose. 11  Ntheura yikaphyoka mu zuŵa lenelira, ndipo ŵakusuzgika pakati pa mskambo awo ŵakaniwonanga, ŵakamanya kuti ghakaŵa mazgu gha Yehova. 12  Penepapo nkhati kwa iwo: “Usange ntchiwemi mu maso ghinu, nipani malipiro ghane, kweni usange yayi, khalani nagho.” Ŵakanipa* malipiro ghane, masiliva 30.+ 13  Penepapo Yehova wakati kwa ine: “Ughaponye mu chakusungiramo ndalama. Uwu ni mtengo wapachanya uwo ŵakanipimirapo ine.”+ Sono nkhatora masiliva 30 ghara na kughaponya mu chakusungiramo vyuma pa nyumba ya Yehova.+ 14  Nkhadumuraso ndodo yane yachiŵiri yira, ya Umoza,+ kuswa ubali pakati pa Yuda na Israyeli.+ 15  Yehova wakati kwa ine: “Sono tora viteŵetero vya muliska wawakawaka.+ 16  Pakuti nkhuzomerezga muliska kuti wawuke mu charu. Mberere izo zikuparanyika wazamuzipwelelera chara.+ Twana tuchoko wazamutupenja yayi, nesi kuchizga izo zapwetekeka,+ panji kulyeska izo zingimilira. M’malo mwake wakurya nyama yakututuŵa+ na kutwazura vikandiro vya mberere.+ 17  Soka kwa muliska wawakawaka+ uyo wakusida mskambo!+ Lupanga luzamutimba woko lake na jiso lake lakumalyero. Woko lake lizamomira gwagwalara, Ndipo jiso lake lakumalyero lizamufwirathu.”

Mazgu Ghamusi

Mazgu ghanyake, “thundu.”
Mazgu gheneko, “ŵakanipimira.”