Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Zekariya 10:1-12

IVYO VILI MU BUKU ILI

  • Lombani vula kwa Yehova, ku ŵachiuta ŵatesi yayi (1, 2)

  • Yehova wakuwunjika ŵanthu ŵake (3-12)

    • Mulongozgi wakufuma mu nyumba ya Yuda (3, 4)

10  “Lombani vula kwa Yehova mu nyengo ya vula yaumaliro. Yehova ndiyo wakupanga mabingu ghakuti bii, Ndiyo wakuŵalokweskera vula,+ Na kumezga vyakumera mu munda wa waliyose.   Pakuti vikozgo vya terafimu* vyayowoya upusikizgi,* Ndipo ŵakuwukwa ŵawona mboniwoni yautesi. Ŵakuyowoya maloto ghawakawaka, Ŵakuyezga kupeleka chisangulusko chawaka. Lekani ŵazamuyingayinga nga ni mberere. Ŵazamusuzgika pakuti kulije muliska.   Ukali wane wagolera kwimikana na ŵaliska, Ndipo nilangenge ŵalongozgi* ŵankhaza, Pakuti Yehova wa mawumba wazgokera ku mskambo wake,+ ku nyumba ya Yuda, Ndipo waŵazgora nga ni hachi lake lauchindami mu nkhondo.   Mwa iyo mukufuma mulongozgi,* Mwa iyo mukufuma wakovwira muwusi,* Mwa iyo mukufuma uta wa nkhondo, Mwa iyo mukufuma mulaŵiliri* waliyose, wose pamoza.   Ŵazamuŵa nga ni vinkhara vyankhondo, Ŵakukanda mathipa gha mu misewu ku nkhondo. Ŵazamurwa nkhondo, pakuti Yehova wali nawo,+ Ndipo awo ŵakukwera pa mahachi ŵazamukhozgeka soni.+   Nizamuchitiska nyumba ya Yuda kuŵa yakuluska, Ndipo nizamuponoska nyumba ya Yosefe.+ Nizamuŵawezgera pakale, Pakuti nizamuŵalongora lusungu,+ Ŵazamuŵa nga ni para nindaŵalekepo,+ Pakuti ine ndine Yehova Chiuta wawo, ndipo nizamuŵazgora.   Ŵa nyumba ya Efurayimu ŵazamuŵa nga ntchinkhara, Ndipo mtima wawo uzamukondwa nga ŵamwa vinyo.+ Ŵana ŵawo ŵazamuwona ichi na kukondwa, Mtima wawo uzamukondwa mwa Yehova.+   ‘Nizamuŵalizgira kaluvi* na kuŵawunjika pamoza, Pakuti nizamuŵawombora+ ndipo ŵazamuŵa ŵanandi, Ŵazamulutilira kuŵa ŵanandi.   Nangauli nkhuŵambininiska nga ni mbuto mukati mu ŵanthu, Ŵamunikumbuka mu malo ghakutali, Ŵamusanga nkhongono na kuwelera pamoza na ŵana ŵawo. 10  Nizamwizaso nawo kufuma ku charu cha Eguputo Na kuŵawunjika kufuma ku Asiriya.+ Nizamwiza nawo ku charu cha Giliyadi+ na Lebanoni, Ndipo malo ghazamuŵakwana yayi.+ 11  Wazamujumpha mu nyanja na masuzgo, Ndipo wazamutimba majigha gha mu nyanja,+ Ndimba zose za maji gha mu Nayelo zizamomira. Kujikuzga kwa Asiriya kuzamumara, Ndipo ndodo ya Eguputo yizamuwukako.+ 12  Ine Yehova nizamuŵazgora kuŵa ŵakuluska,+ Ndipo ŵazamwendendeka mu zina lane,’+ wakuti Yehova.”

Mazgu Ghamusi

Panji kuti, “ŵachiuta ŵa pa nyumba; ŵangoza.”
Panji kuti, “vyakuzizwiska, vyamunthondwe.”
Mazgu gheneko, “ŵapepe.”
Mazgu gheneko, “chigongwe chapakona.” Kung’anamura, munthu wakuzirwa ndiposo wakukhumbikwa chomene; fumu.
Mazgu gheneko, “chikhomo.” Kung’anamura, munthu uyo wakovwira.
Panji kuti, “kapitawo.”
Panji kuti, “lukhweru.”