Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yona 2:1-10

IVYO VILI MU BUKU ILI

  • Yona wakulomba mu nthumbo ya chisomba (1-9)

  • Chisomba chabokora Yona ku mtunda (10)

2  Apo wakaŵa mu nthumbo ya chisomba, Yona wakalomba kwa Yehova Chiuta wake.+  Wakati: “Apo nkhaŵa mu suzgo nkhalomba kwa Yehova, ndipo iyo wakanizgora.+ Apo nkhaŵa pasi* pa Dindi* nkhalira kupenja wovwiri.+ Imwe mukapulika mazgu ghane.   Mukati mwaniponya pasi, mukati mu nyanja, Mweza* ukanizingilira.+ Maŵiruŵiru ghinu ghose na majigha vikanibizga.+   Penepapo nkhati: ‘Nachimbizgika pamaso pinu! Kasi ningalaŵiskaso wuli pa tempile linu lituŵa?’   Vimaji vikanizingilira ndipo vikatenthemeska umoyo wane,+ Ndimba ya maji yikanijalira. Thondo lamunyanja* likavungilizga mutu wane.   Nkhabira pasi pa mapiri. Mphingilizgo za charu chapasi zikanijaliranga muyirayira. Kweni imwe, A Yehova Chiuta wane, mukafumiska umoyo wane mu khululu.+   Apo umoyo wane ukamaranga, Yehova ndiyo nkhamukumbuka.+ Lurombo lwane lukiza kwa imwe, ku tempile linu lituŵa.+   Awo ŵakujipeleka ku vikozgo vyawakawaka, ŵakuleka chisimi chawo cha lusungu.*   Kweni ine, na mazgu ghakuwonga nizamupeleka sembe kwa imwe. Nizamupeleka icho nkhalapa.+ Chiponosko chikufuma kwa Yehova.”+ 10  Pamasinda Yehova wakayowoya na chisomba, ndipo chikamubokora Yona pa mtunda wakomira.

Mazgu Ghamusi

Mazgu gheneko, “mu nthumbo ya.”
Panji kuti, “Sheole.” Ndiko kuti, malaro. Wonani Mang’anamuro gha Mazgu.
Wonani Mang’anamuro gha Mazgu.
Mazgu ghanyake, “Makhangawa.”
Panji kuti, “chitemwa chakugomezgeka.”