Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 7:1-21

IVYO VILI MU BUKU ILI

  • Yobu wakulutilira kuzgora (1-21)

    • Umoyo uli nga ni ntchito yakuchichizga (1, 2)

    • “Chifukwa wuli mwadunjika pa ine?” (20)

7  “Asi umoyo wa munthu pa charu chapasi uli nga ni ntchito yakuchita kuchichizga, Na mazuŵa ghake nga ni mazuŵa gha waganyu?+   Nga ni muzga, wakunwekera mfwiri, Nga ngwaganyu, wakulindilira malipiro ghake.+   Ntheura napika myezi yawaka, Mausiku gha masuzgo ghanipendekera.+   Para nagona pasi, nkhufumba kuti, ‘Kasi niwukenge pawuli?’+ Kweni apo usiku ukulutilira, nkhusalanthuka waka m’paka kuche.*   Thupi lane lavwara mpholozi na magankha* ghamalikho,+ Chikumba chane chazura na machenya, ndipo chikufuma mafira.+   Mazuŵa ghane ghakwenda luŵiro kuluska umo chikuchimbilira chakulukira cha wakuluka vyakuvwara,+ Ndipo ghakumara kwambura chigomezgo.+   Kumbukani kuti umoyo wane ni mphepo,+ Ndiposo kuti jiso lane liwonengeso viwemi chara.*   Jiso ilo likuniwona sono lizamuniwonaso chara, Maso ghako ghazamunipenja, kweni ine nizamuŵa kuti naluta.+   Uyo wakhilira ku Dindi* wakuwerako chara. Nga umo bingu likumalira na kumwalalikira.+ 10  Wawelerengeso ku nyumba yake chara, Ndipo malo ghake ghamumanyengeso chara.+ 11  Ntheura, nikanizgenge chara mulomo wane. Niyowoyenge chifukwa cha ulwilwi wa mzimu wane, Nidandawurenge chifukwa cha kuŵinya kwa umoyo wane.+ 12  Kasi ine ndine nyanja panji chikoko cha mu nyanja, Kuti munimikire mulinda? 13  Para nkhuti, ‘Chakugonapo chane chinisanguluskenge, Bedi lane linovwirenge kuchepeska kudinginyika kwane,’ 14  Penepapo mukunitenthemeska na maloto, Na kunofya na zimboniwoni, 15  Ntheura nasankha kuleka kuthuta, Enya, kufwa, kuluska thupi lane ili.*+ 16  Nkhutinkha umoyo wane,+ nkhukhumba yayi kukhalilira wamoyo. Nilekani, pakuti mazuŵa ghane ghali nga ni mvuchi.+ 17  Kasi munthu ni njani kuti imwe mwenjerwe nayo, Na kuŵika mtima winu pa iyo?+ 18  Chifukwa wuli mukumwendera mulenji uliwose, Na kumuyezga nyengo na nyengo?+ 19  Kasi mulekenge pawuli kunilaŵiska, Na kunipa m’pata kuti nimire mata?+ 20  Usange nananga, kasi ningamupwetekani wuli imwe, Mulaŵiliri wa ŵanthu?+ Chifukwa wuli mwadunjika pa ine? Kasi naŵa katundu muzito kwa imwe? 21  Kasi mukulekerachi kugowokera zakwananga zane Na kusulako kupuvya kwane? Pakuti sonosono nigonenge mu fuvu,+ Ndipo munipenjenge, kweni ine kuŵavyenge.”

Mazgu Ghamusi

Panji kuti, “mulenjilenji.”
Mazgu ghanyake, “mankhakara; magaga.”
Panji kuti, “likondwengeso chara.”
Panji kuti, “Sheole,” ndiko kuti, malaro. Wonani Mang’anamuro gha Mazgu.
Mazgu gheneko, “kuluska viwangwa vyane.”