Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 36:1-33

IVYO VILI MU BUKU ILI

  • Elihu wakuthuwuska Chiuta chifukwa cha ukuru wake wambura mapenjeko (1-33)

    • Ŵakupulikira vikuŵayendera makora; ŵambura kopa Chiuta ŵakukanika (11-13)

    • ‘Ni msambizgi nju wali nga ni Chiuta?’ (22)

    • Yobu wakwenera kukuzga Chiuta (24)

    • “Chiuta ni mukuru kuluska umo ise tikumanyira” (26)

    • Chiuta wali na nkhongono pa vula na leza (27-33)

36  Elihu wakalutizga kuti:   “Muzikire nane pachoko waka apo nkhulongosora, Pakuti nichali na mazgu ghakuti niyowoye m’malo mwa Chiuta.   Niyowoyenge vyose ivyo nkhumanya, Nipharazgenge kuti Mlengi wane ndiyo ni murunji.+   Nadi, mazgu ghane ngautesi chara, Uyo wakumanya vyose+ wali pano panthazi pinu.   Enya, Chiuta ngwankhongono+ ndipo wakukana munthu chara, Wali na nkhongono zikuru zakupulikiskira vinthu,   Iyo wasungilirenge chara umoyo wa ŵaheni,+ Kweni wakuchitira urunji ŵakusuzgika.+   Wakuwuskapo chara maso ghake pa ŵarunji,+ Wakuŵaŵika pa vitengo pamoza na mathemba,*+ ndipo ŵakukwezgeka kwamuyirayira.   Kweni usange ŵakakika na maunyoro, Na kukoleka mu vingwe vya masuzgo,   Wakuŵavumbulira ivyo ŵachita, Kwananga kwawo uko ŵachita chifukwa cha kujikuzga kwawo. 10  Wakujura makutu ghawo kuti ŵasambizgike, Na kuŵaphalira kuti ŵawereko ku kwananga.+ 11  Usange ŵapulikira na kumuteŵetera, Ŵamalizgenge mazuŵa ghawo mu usambazi, Ndipo vyaka vyawo viŵenge vyakukondweska.+ 12  Kweni usange ŵapulikira chara, ŵamalenge na lupanga,*+ Na kufwa kwambura kumanya kanthu. 13  Awo ŵali na mtima wambura kopa Chiuta* ŵaŵenge na chigwinini. Ŵakulilira wovwiri chara nanga ni para waŵakaka. 14  Ŵakufwa ŵachali ŵawukirano,+ Ŵakumalira umoyo wawo pakati pa mahule ghanalume gha pa tempile.+ 15  Kweni Chiuta wakuthaska ŵakusuzgika mu masuzgo ghawo, Para ŵakuyuzgika wakuŵajura makutu. 16  Wakumufumiskani mu suzgo,+ Na kumuŵikani pa malo ghasani, ghambura chakufinyilizga,+ Na kumupembuzgani na chakurya chiwemi mu mathebulu ghinu.+ 17  Ndipo muzamukhorwa na kweruzgika kwa ŵaheni,+ Para cheruzgo chapelekeka ndipo urunji wawoneka. 18  Kweni chenjerani kuti ukali uleke kumuchitiskani kuŵa na thinkho,*+ Ndipo mungazomerezganga chara kuti chimbundi chikuru chimupuluskani. 19  Kasi mukuwona kuti suzgo yinu yingamara chifukwa chakuti mukufwilirapo Panji mukulilira wovwiri?+ 20  Mungadokeranga usiku chara, Apo ŵanthu ŵakuwukamo mu malo ghawo. 21  Chenjerani kuti muleke kuchita kwananga, Mwasankha ichi m’malo mwa visuzgo.+ 22  Wonani! Chiuta ngwakukwezgeka mu nkhongono zake, Ni msambizgi nju wali nga ndiyo? 23  Ni njani wamulongozga* nthowa yake,+ Panji wangati kwa iyo, ‘Ivyo wachita ni viheni’?+ 24  Kumbukani kukuzga milimo yake+ Iyo ŵanthu ŵimba.+ 25  Ŵanthu wose ŵayiwona, Munthu wakuyilaŵiskira patali. 26  Enya, Chiuta ni mukuru kuluska umo ise tikumanyira,+ Unandi wa vyaka vyake ngwambura kumanyikwa.*+ 27  Wakukwezga manthonyezi gha maji;+ Ghakusongonoka kuzgoka vula kufuma pa nyakhuŵinda wake. 28  Ndipo mabingu ghakupungulira pasi,+ Ghakulokwera pa ŵanthu. 29  Kasi walipo uyo wangapulikiska umo mabingu ghakutandazgikira, Kweniso kududumira kwakufuma mu hema lake?*+ 30  Wonani umo wakutandazulira leza* wake+ pachanya pa mabingu, Ndipo wakubenekelera ndimba* ya nyanja. 31  Na ivi, wakusungilira* ŵanthu, Wakuŵapa chakurya chinandi.+ 32  Wakubenekelera leza na mawoko ghake, Ndipo wakulongozga leza apo wamuwa.+ 33  Kududumira kwake kukuyowoya vya iyo, Nanga ni viŵeto vikuyowoya uyo wakwiza.

Mazgu Ghamusi

Pangayowoyekaso kuti: “Wakuŵika mathemba pa vitengo.”
Panji kuti, “chilwero.”
Panji kuti, “ŵali na mtima wakugaluka.”
Panji kuti, “kukuŵa mapi chifukwa cha thinkho.”
Pangayowoyekaso kuti, “wamususka; wamufumba chifukwa cha.”
Panji kuti, “ngwambura mapenjeko.”
Panji kuti, “chisakasa chake?”
Mazgu gheneko, “kungweluka.”
Mazgu gheneko, “misisi.”
Pangayowoyekaso kuti, “wakwimira.”