Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 33:1-33

IVYO VILI MU BUKU ILI

  • Elihu wakuchenya Yobu chifukwa cha kujilumba (1-33)

    •  Chiwombolero chasangika (24)

    • Wawelere ku mazuŵa gha uwukirano wake (25)

33  “Kweni sono, a Yobu, naŵeya, pulikani mazgu ghane, Tegherezgani vyose ivyo nkhuyowoya.   Wonani! Nijurenge mulomo wane, Lulimi lwane luyowoyenge.   Mazgu ghane ghakupharazga kunyoloka kwa mtima wane,+ Ndipo milomo yane yikuyowoya mwaunenesko ivyo nkhumanya.   Mzimu wa Chiuta ndiwo ukanipanga,+ Ndipo mvuchi wa Wankhongonozose ukanipa umoyo.+   Nizgorani usange mungafiska, Yowoyani fundo zinu pamaso pane, nozgekani.   Wonani! Nili nga ndimwe pamaso pa Chiuta waunenesko, Naneso nkhawumbika kufuma ku dongo.+   Ntheura mungatenthemanga chifukwa cha kopa ine chara, Ndipo mungafyenyekanga chifukwa cha ine chara.   Kweni mwayowoya mu makutu ghane, Enya, napulikanga mazgu agha, apo mwatenge:   ‘Nili mutuŵa, wambura kwananga,+ Ndine wakutowa, wambura ubudi.+ 10  Kweni Chiuta wakusanga vifukwa vyakunisuskira, Wakuniwona kuŵa mulwani wake.+ 11  Wakuŵika malundi ghane mu magwedi,* Wakulaŵisiska mendero ghane ghose.’+ 12  Kweni mukuneneska chara pakuyowoya nthena, ntheura nimuzgoraninge kuti: Chiuta ni mukuru chomene kuluska munthu.+ 13  Chifukwa wuli mukudandawura nayo?+ Kasi ntchifukwa chakuti wakamuzgorani yayi mazgu ghinu ghose?+ 14  Pakuti Chiuta wakuyowoya kamoza panji kaŵiri, Kweni palije uyo wakutegherezga, 15  Mu loto, mboniwoni ya usiku,+ Apo tulo tuzito tukuwira ŵanthu, Para ŵakugona pa mabedi ghawo. 16  Ndipo wakujura makutu ghawo,+ Na kuŵika* chisambizgo chake pa iwo, 17  Kuti wawezge munthu ku kwananga,+ Na kuvikilira munthu ku kujikuzga.+ 18  Chiuta wakuwezga umoyo wa munthu kuti uleke kuya ku khululu,*+ Kuti umoyo wake uleke kuparanyika na lupanga.* 19  Munthu wakuchenyeka na vyakuŵinya pa bedi lake, Kweniso na kumwantha kwambura kuleka mu viwangwa vyake, 20  Mwakuti umoyo wake ukuseluka na chingwa, Ndipo wakukana na chakurya chiwemi wuwo.+ 21  Thupi lake lamara, likuwonekaso yayi, Ndipo viwangwa vyake ivyo vikaŵa vyakubisika sono vili pakwerukweru. 22  Umoyo wake ukusendelera ku khululu,* Umoyo wake ukusendelera kwa awo ŵakumuchemera nyifwa. 23  Usange pali thenga lake,* Muyowoyeri yumoza pa ŵayowoyeri 1,000, Kuti waphalire munthu icho ntchakunyoloka, 24  Chiuta wakumulongora lusungu, wakuti: ‘Muthaskani kuti waleke kukhilira ku khululu!*+ Nasanga chiwombolero!+ 25  Thupi lake liŵe lakunyilirika kuluska la uwukirano wake,+ Wawelere ku mazuŵa gha uwukirano wake apo wakaŵa wankhongono.’+ 26  Waŵeyelerenge Chiuta,+ ndipo wamuzomerenge, Wawonenge chisko chake na chimwemwe chikuru, Chiuta wawezgerengepo urunji wake kwa munthu. 27  Munthu yura waphalirenge* ŵanthu kuti, ‘Nananga+ ndipo nabendezga icho ntchakunyoloka, Kweni nindapokere icho nkhwenera kupokera.* 28  Wawombora umoyo wane kuti uleke kunjira mu khululu,*+ Ndipo umoyo wane uwonenge ungweru.’ 29  Enya, Chiuta wakuchita vinthu vyose ivi, Wakuchitira munthu kaŵiri panji katatu, 30  Kuti wamuwezgeko ku khululu,* Mwakuti wangweluskike na ungweru wa umoyo.+ 31  Tegherezgani, a Yobu! Pulikizgani kwa ine! Khalani chete, lekani niyowoye. 32  Usange muli na chakuyowoya, nizgorani. Yowoyani, pakuti nkhukhumba kulongora kuti muli ŵakunyoloka. 33  Usange mulije chakuyowoya, tegherezgani kwa ine, Khalani chete, ndipo nimusambizganinge vinjeru.”

Mazgu Ghamusi

Mazgu ghanyake, “magoli.”
Mazgu gheneko, “kudinda chidindo cha.”
Panji kuti, “dindi.”
Panji kuti, “chilwero.”
Panji kuti, “dindi.”
Panji kuti, “mungelo wake.”
Panji kuti, “dindi.”
Mazgu gheneko, “wimbirenge.”
Pangayowoyekaso kuti, “Kweni nindawovwirike nacho.”
Panji kuti, “dindi.”
Panji kuti, “dindi.”