Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 3:1-26

IVYO VILI MU BUKU ILI

  • Yobu wakudandawura kuti wakababika (1-26)

    • Wakufumba chifukwa icho wakusuzgikira (20, 21)

3  Pamanyuma pa ivi, Yobu wakamba kuyowoya na kutemba zuŵa ilo wakababikira.*+  Yobu wakati:   “Zuŵa ilo nkhababikira liparanyike,+ Na usiku uwo munyake wakati: ‘Wazuwuka* mwana mwanalume!’   Zuŵa ilo liŵe mdima. Chiuta kuchanya waleke kulighanaghanira, Ungweru ungaŵalanga pa ilo chara.   Mdima ukuru* ulitore. Bingu la vula likhale pa ilo. Liwofyeke na chilichose icho chikufipiska zuŵa.   Usiku wura utoleke na chisi chikuru;+ Uleke kukondwa pamoza na mazuŵa gha chaka, Ndipo uleke kupendekera lumoza na mazuŵa gha myezi.   Enya! Usiku wura uzgoke chumba, Muleke kupulikikwa lizgu lachimwemwe.   Awo ŵakutemba zuŵa, ŵalitembe, Awo ŵakumanya kuwuska Leviyatani.*+   Nyenyezi zakumatandakucha zileke kuŵala pa ilo, Lilindilire ungweru pawaka, Ndipo lileke kuwona malazi gha matandakucha. 10  Pakuti likajara chara milyango ya nthumbo ya amama,+ Nesi kubisa suzgo ku maso ghane. 11  Kasi nkhalekerachi kufwa pakubabika? Kasi nkhalekerachi kuparanyika apo nkhafumanga mu nthumbo?+ 12  Chifukwa wuli pakaŵa makongono ghakunipokelera, Na mabere ghakuti nonkhe? 13  Pakuti sono mphanyi nkhugona pasi kwambura kutimbanizgika;+ Mphanyi nkhugona na kupumura+ 14  Pamoza na mathemba gha charu chapasi na ŵakupeleka fundo ŵawo, Awo ŵakajizengera malo agho sono ghali kuparanyika,* 15  Panji na ŵakaronga awo ŵakaŵa na golide, Awo nyumba zawo zikazura na siliva. 16  Panji kasi nkhalekerachi kuŵa nga ni nthumbo iyo yazgeŵelekera waka, Nga mbana awo ŵandawonepo ungweru? 17  Kwenekura ndiko nanga mbaheni ŵakusuzgika yayi, Ndipo kwenekura ŵakuvuka ŵakupumura.+ 18  Kwenekura ndiko ŵakayidi ŵakukhala pamoza mwakufwasa; Iwo ŵakupulikaso yayi lizgu la munthu wakuŵakhwemera ku ntchito. 19  Ŵachoko na ŵakuru ŵakuyana waka kwenekura,+ Ndipo muzga wakufwatuka ku fumu yake. 20  Chifukwa wuli wakupeleka ungweru kwa munthu uyo wakusuzgika, Na umoyo kwa awo ŵakupulika vyakuŵinya?*+ 21  Chifukwa wuli ŵakunwekera nyifwa, kweni yikwiza yayi?+ Ŵakuyijima pasi kuluska usambazi wakubisika, 22  Awo ŵakusekelera chomene, Awo ŵakukondwa para ŵasanga dindi. 23  Chifukwa wuli wakupeleka ungweru kwa munthu uyo wasoŵa nthowa yake, Uyo Chiuta wamuŵighilira?+ 24  Pakuti kuchintchima kwane kuli nga ntchakurya chane,+ Ndipo mutampho wane+ ukupungulika nga ni maji. 25  Pakuti icho nkhutenthema nacho ndicho chiza pa ine, Ndipo icho nkhopa ndicho chaniwira. 26  Nindakhalepo mu mtende, mwakufwasa, panji kupumura, Kweni masuzgo ghakulutilira kwiza.”

Mazgu Ghamusi

Mazgu gheneko, “kutemba zuŵa lake.”
Panji kuti, “kuŵa na nthumbo.”
Panji kuti, “Mdima na mfwiri wa nyifwa.”
Ŵanyake ŵakughanaghana kuti ni ng’wina panji vinyama vinyake vikuruvikuru na vyankhongono, ivyo vikukhala mu maji.
Pangayowoyekaso kuti, “awo ŵakajizengera mahami.”
Panji kuti, “awo ŵakusuzgika na umoyo.”