Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 28:1-28

IVYO VILI MU BUKU ILI

  • Yobu wakupambaniska pakati pa usambazi na vinjeru (1-28)

    • Ivyo munthu wakuchita kuti wajime malibwe ghakuzirwa (1-11)

    • Vinjeru ni vyakuzirwa kuluska ngale (18)

    • Kopa Yehova ni vinjeru vyeneko (28)

28  “Pali malo ghakujimapo silivaNa malo gha golide ilo ŵakwenga,+   Chisulo chikutoleka mu dongoNdipo mkuŵa ukusongonoleka* ku malibwe.+   Munthu wakuthereska mdima,Wakupenja kosekose mu chisi na mu mdima,Kupenja malibwe.   Wakujima mugodi kutali na uko ŵanthu ŵakukhala,Ku malo ghakuluwika, kutali na uko ŵanthu ŵakwenda,Ŵanthu ŵanyake ŵakunjira pasi na kulendera* waka.   Chakurya chikumera pachanya pa charu,Kweni kusi kwake nkhwakusakazika nga ni para kwanangika na moto.   Mu malibwe muli safiro,Ndipo mu fuvu muli golide.   Nthowa iyi chiyuni chakurya nyama chikuyimanya yayi.Jiso la kamukuŵezi* lindayiwonepo.   Vikoko vikuruvikuru vindakandemo,Mwana wa nkhalamu wandayendemo.   Munthu wakutimba jalawe linonono na woko lake,Wakugadabura mapiri kufuma apo ghakhala. 10  Wakujura migelo+ ya maji mu jalawe.Maso ghake ghakuwona chinthu chilichose chakuzirwa. 11  Wakujara uko kukwambira milonga,Na kwiza navyo pakweru ivyo vikaŵa vyakubisika. 12  Kweni kasi vinjeru vingasangika nkhu,+Ndipo kasi mahara ghakufuma nkhu?+ 13  Palije munthu wakumanya kuzirwa kwake,+Ndipo vingasangika chara mu charu cha ŵamoyo. 14  Ndimba ya maji yikuti, ‘Vili mwa ine yayi!’ Ndipo nyanja yikuti, ‘Vili na ine yayi!’+ 15  Vingagulika yayi na golide liwemi,Nesi kupima siliva na kusinthiska na ivyo.+ 16  Vingagulika yayi na golide la ku Ofiri,+Panji na malibwe gha onike na safiro agho ghakusangika bweka yayi. 17  Golide na gilasi vingayana navyo yayi,Ndipo vingasinthiskika yayi na chiŵiya cha golide liwemi.*+ 18  Malibwe gha korali na kurusitalo ghangaforako yayi kwa ivyo,+Chifukwa thumba lakuzura na vinjeru ndakuzirwa chomene kuluska thumba lakuzura na ngale. 19  Malibwe gha topazi+ gha ku Kushi ghangayana navyo yayi,Vingagulikaso yayi na golide liwemi. 20  Kweni kasi vinjeru vikufuma nkhu,Ndipo kasi mahara ghakufuma nkhu?+ 21  Vyabenekelereka ku maso gha chamoyo chilichose,+Na kubisika ku viyuni vyamudera. 22  Pharanyiko na nyifwa vikuti:‘Makutu ghithu ghapulika waka lumbiri lwake.’ 23  Chiuta wakumanya nthowa yakuvisangira,Ndiyo pera wakumanya uko vikukhala.+ 24  Pakuti wakulaŵiska ku vigoti vya charu chapasi,Ndipo wakuwona chilichose icho chili kusi ku mtambo.+ 25  Apo wakaŵika nkhongono* ya mphepo,+Na kupima maji,+ 26  Apo wakapeleka dango ku vula,+Na kupangira nthowa bingu la ŵaleza,+ 27  Ndipo wakawona vinjeru na kuvilongosora,Wakaviŵika na kuviyezga. 28  Ndipo wakati kwa munthu: ‘Wona! Kopa Yehova ndivyo ni vinjeru,+Ndipo kugega viheni ndigho ni mahara.’”+

Mazgu Ghamusi

Mazgu gheneko, “ukupungulika kufuma.”
Mazgu ghanyake, “kudeleta.”
Kamukuŵezi nkhayuni.
Panji kuti, “lakwengeka makora.”
Mazgu gheneko, “uzito wa.”