Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 27:1-23

IVYO VILI MU BUKU ILI

  • Yobu waŵikapo mtima kuŵa wakunyoloka (1-23)

    • “Nitayengepo chara kunyoloka kwane” (5)

    • Ŵambura kopa Chiuta ŵalije chigomezgo (8)

    • “Chifukwa wuli mazgu ghinu ngawakawaka?” (12)

    • Ŵaheni ŵakuwerapo waka (13-23)

27  Yobu wakalutilira kuyowoya mwantharika, wakati:   “Para Chiuta ngwamoyo nadi, uyo waninora urunji,+ Para Wankhongonozose ngwamoyo nadi, uyo waŵinyiska umoyo wane,+   Nyengo yose iyo mvuchi wane uchali mukati mwane, Ndipo mzimu wakufuma kwa Chiuta uli mu mphuno zane,+   Milomo yane yiyowoyengepo ubendezi chara, Nesi lulimi lwane kuyowoya upusikizgi!   Ningayowoyapo napachoko pose chara kuti imwe muli ŵarunji! Nitayengepo chara kunyoloka kwane m’paka nifwe!+   Urunji wane niwukorenge nganganga ndipo niwutayenge chara.+ Mtima wane unisuskengepo* chara umoyo wane wose.*   Mphanyi mulwani wane waŵa nga ni muheni, Awo ŵakuniwukira nga mbambura urunji.   Kasi munthu wambura kopa Chiuta* wali na chigomezgo wuli para waparanyika,+ Para Chiuta watora umoyo wake?   Kasi Chiuta wapulikenge kulira kwake, Para suzgo lamuwira?+ 10  Panji kasi wakondwenge na Wankhongonozose? Kasi wachemenge kwa Chiuta nyengo zose? 11  Nimusambizganinge nkhongono za Chiuta. Nibisenge chilichose chara chakukhwaskana na Wankhongonozose. 12  Wonani! Usange mose mwawona mboniwoni, Chifukwa wuli mazgu ghinu ngawakawaka? 13  Ichi ntchigaŵa icho munthu muheni wakupokera kwa Chiuta,+ Ntchiharo icho ŵawusi ŵankhaza ŵakupokera kwa Wankhongonozose. 14  Usange ŵana ŵake ŵandana, ŵawenge na lupanga,+ Ndipo mphapu yake yiŵavyenge chakurya chakukwana. 15  Awo ŵamukhalirapo ŵawundilikenge na nthenda yakofya, Ndipo vyokoro vyawo viŵalirenge chara. 16  Nanga wangawunjika siliva nga ni fuvu Na kulundika vyakuvwara viwemi nga ni dongo, 17  Nanga wangaviwunjika, Munthu murunji ndiyo wazamuvivwara,+ Ndipo ŵambura mulandu ndiwo ŵazamugaŵana siliva lake. 18  Nyumba iyo wazenga njambura kukhora nga ni nyumba ya chidoyo, Nga ntchisakasa+ chakuzengeka na mulinda. 19  Pakuluta kukagona wazamuŵa musambazi, kweni palije icho wazamuwunjikapo, Para wakubenura maso ghake, pazamuŵavya kalikose. 20  Wofi ukumuyegha nga ni maji ghakututuka. Chimphepo chikuluta nayo nausiku.+ 21  Mphepo ya kumafumiro gha dazi yimupyepyeturenge na kuluta nayo. Yikumuphyera kufumapo pa malo ghake.+ 22  Yimutimbenge kwambura chitima,+ Apo wakuyezga kuchimbira ku nkhongono yake.+ 23  Yikumukuŵira mapi Na kumulizgira+ kaluvi kufuma ku malo ghake.*

Mazgu Ghamusi

Panji kuti, “uninenengepo.”
Panji kuti, “mu mazuŵa ghane ghose.”
Panji kuti, “munthu wakugaluka.”
Pangayowoyekaso kuti, “Ŵakumukuŵira mapi na kumulizgira kaluvi kufuma ku malo ghawo.”