Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 21:1-34

IVYO VILI MU BUKU ILI

  • Yobu wakuzgora (1-34)

    • ‘Chifukwa wuli ŵaheni vinthu vikuŵayendera makora?’ (7-13)

    • Wakuvumbura nkharo ya “ŵasanguluski” ŵake (27-34)

21  Yobu wakazgora kuti:   “Tegherezgani chomene mazgu ghane, Lekani ichi chiŵe chipembuzgo chakuti munipe.   Munizomerezge kuti niyowoye, Para nayowoya, munganigoska.+   Kasi nkhudinginyikira munthu? Viŵenge nthena, asi mphanyi nakwiya?*   Laŵiskani kwa ine na kuzizwa, Ŵikani woko linu pa mulomo winu.   Para nkhughanaghanirapo, nkhuhangayika, Ndipo thupi lane lose likumbwambwantha.   Chifukwa wuli ŵaheni ŵakulutilira kuŵa ŵamoyo,+ Ŵakuchekura na kuŵa ŵasambazi?*+   Ŵana ŵawo ŵakuŵa pamaso pawo nyengo zose, Ndipo ŵakuwona ŵazukuru ŵawo.   Nyumba zawo ni zakuvikilirika, zambura wofi,+ Ndipo Chiuta wakuŵalanga chara na ndodo yake. 10  Ng’ombe zawo zanalume zikumithiska kwambura kutondeka, Ng’ombe zawo zanakazi zikubaba ndipo zikuphoroza* chara. 11  Ŵasepuka ŵawo ŵakuchimbira kuwaro nga ni mskambo, Ndipo ŵana ŵawo ŵakudukaduka. 12  Ŵakwimba kulondezga kang’oma na bango, Ŵakusekelera chifukwa cha kulira kwa chitoliro.+ 13  Ŵakukhorwa na mazuŵa ghawo, Ndipo ŵakukhilira ku Dindi* mwamtende.* 14  Kweni ŵakuti kwa Chiuta waunenesko, ‘Tileka! Tikukhumba yayi kumanya nthowa zako.+ 15  Kasi Wankhongonozose ni njani kuti timuteŵetere,+ Tisangenge chandulo wuli para tamanyana nayo?’+ 16  Kweni nkhumanya kuti ŵalije mazaza pa usambazi wawo.+ Maghanoghano* gha ŵaheni ghali kutali na ine.+ 17  Kasi nyali ya ŵaheni yikuzimwika kalinga?+ Soka likuŵawira kalinga? Ndipo nkhalinga apo Chiuta wakuŵakwiyira na kuŵaparanya? 18  Kasi ŵakuŵa nga ni viswaswa vyakuyegheka na mphepo, Nga ni mwelero wakuwuluskika na chimphepo? 19  Chilango cha munthu, Chiuta wasungirenge ŵana ŵake. Kweni Chiuta wangamuwezgera kuti wachimanye.+ 20  Mphanyi maso ghake ghawona kuparanyika kwake, Ndipo mphanyi ndiyo wamwa ukali wa Wankhongonozose.+ 21  Kasi wakupwelerako ivyo vikuchitika mu nyumba yake para wafwa, Usange unandi wa myezi yake wadumulizgika?*+ 22  Kasi munthu wangasambizga Chiuta mahara,+ Pakuti iyo ndiyo wakweruzga nanga mbapachanya?+ 23  Kweni munthu munyake wakufwa wachali na nkhongono,+ Apo wali pamtende ndiposo wali phee,+ 24  Apo vigha* vyake ni vyakuzura na mafuta, Ndipo viwangwa vyake ni vyankhongono.* 25  Kweni munyake wakufwira mu visuzgo vikuru, Kwambura kuyezgapo vinthu viwemi. 26  Wose ŵagonenge pasi mu fuvu,+ Ndipo mpholozi ziŵabenekelerenge wose.+ 27  Wonani! Nkhumanya makora ivyo mukughanaghana Na viŵembu ivyo mukughanaghana kunichitira.*+ 28  Pakuti mukuti, ‘Kasi nyumba ya munthu wakuchindikika yili nkhu, Ndipo hema ilo muheni wakakhalangamo lili nkhu?’+ 29  Kasi mundaŵafumbe awo ŵakwenda mu nthowa? Kasi mukusanda mwakupwelelera yayi ivyo ŵawona,* 30  Kuti munthu muheni wakupona pa zuŵa la soka, Na kuthaskika pa zuŵa la ukali? 31  Ni njani wangamususka pakweru za nthowa yake? Ndipo ni njani wangamuwezgera pa icho wachita? 32  Para wakuyeghekera ku malaro, Ŵanthu ŵazamulinda dindi lake. 33  Mabuma gha dongo la ku dambo ghazamuŵa ghakunong’omera kwa iyo,+ Ŵanthu wose ŵakumulondezga,*+ Nga mbanthu ŵambura mapendeko awo ŵali kudangira panthazi pake. 34  Chifukwa wuli mukunisanguluska na mazgu ghambura kwenelera?+ Mazgoro ghinu ghalije fundo yiliyose, kweni upusikizgi pera!”

Mazgu Ghamusi

Mazgu gheneko, “asi mphanyi mzimu wane wathukira?”
Panji kuti, “ŵankhongono.”
Mazgu ghanyake, “kusopozga.”
Panji kuti, “Sheole,” ndiko kuti, malaro. Wonani Mang’anamuro gha Mazgu.
Panji kuti, “mu kanyengo kachoko,” ndiko kuti, ŵakufwa luŵiro kwambura kupulika vyakuŵinya.
Panji kuti, “Ulongozgi wa.”
Panji kuti, “wadumulika paŵiri?”
Mazgu ghanyake, “nthapatapa; vizo.”
Mazgu gheneko, “mongo wa mu viwangwa vyake nguŵisi.”
Pangayowoyekaso kuti, “nkhaza izo mukunichitira.”
Mazgu gheneko, “vimanyikwiro vyawo.”
Mazgu gheneko, “Waguzenge ŵanthu wose kumulondezga.”