Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 18:1-21

IVYO VILI MU BUKU ILI

  • Bilidadi wakuyowoya kachiŵiri (1-21)

    • Wakuzunura ivyo vikuwira ŵakwananga (5-20)

    • Wakuti Yobu wakumumanya yayi Chiuta (21)

18  Bilidadi+ Mushuwa wakazgora kuti:   “Kasi ulekenge pawuli kuyowoya mazgu ghanthena? Longora kuti ukupulikiska kuti nase tiyowoyepo.   Chifukwa wuli ukutiwona nga ndise vinyama+ Na kutitora nga ndise vindere* mu maso ghako?   Nanga ungajipalura tuchokotuchoko mu ukali wako, Kasi charu chingalekeka chifukwa cha iwe? Panji jalawe lingasezgeka pa malo ghake?   Enya, ungweru wa muheni uzimwenge Ndipo dimi la moto wake liŵalenge chara.+   Ungweru wa mu hema lake uzgokenge chisi, Ndipo nyali ya pachanya pake yizimwikenge.   Kwenda kwake kwankhongono kwafupiskika, Ndipo ulongozgi wa iyo mweneko umuwiskenge.+   Pakuti malundi ghake ghamulongozgerenge mu ukonde, Wayingeyingenge na kukoleka mu ukonde.   Chisazga* chimukolenge chitende. Chipingo chimukolenge.+ 10  Ngoda* yakuti yimukore yabisika pasi, Ndipo chisazga chili mu nthowa yake. 11  Vyakofya vikumutenthemeska kosekose, Na kumuskera mu malundi ghake.+ 12  Nkhongono zake zamara, Ndipo soka+ limwendeskenge penthyapenthya.* 13  Thupi lake laryeka, Nthenda yakofya chomene yikurya viŵaro vyake.* 14  Watwazulikira mu hema lake+ ilo wakuligomezga, Na kuphindira ku themba lakofya.* 15  Ŵalendo* ŵakhalenge mu hema lake, Sulefure wachupulikirenge pa nyumba yake.+ 16  Misisi yake yomirenge kusi kwake, Ndipo minthavi yake yifotenge pachanya pake. 17  Wakumbukikengeso yayi pa charu chapasi, Zina lake limanyikwenge chara mu msewu.* 18  Wachimbizgikenge kufuma ku ungweru kuya ku mdima, Na kufumiskikamo mu charu chiwemi. 19  Waŵavyenge mphapu na ŵazukuru pakati pa ŵanthu ŵake, Ndipo waŵavyenge wakupona pa malo agho wakukhala. 20  Para zuŵa lake liza, ŵanthu ŵakumanjiliro gha dazi ŵazamuŵa na wofi, Ndipo ŵanthu ŵakumafumiro gha dazi ŵazamukoleka na chitenthe. 21  Ichi ndicho chikuchitikira mahema gha munthu uyo wakuchita kwananga, Na malo gha uyo wandamumanye Chiuta.”

Mazgu Ghamusi

Pangayowoyekaso kuti, “ŵakufipirwa.”
“Chisazga,” ni mtundu wa chipingo.
Mazgu ghanyake, “Chovyo.”
Panji kuti, “limwendeskenge golonthigolonthi.”
Mazgu gheneko, “Wakwamba kubabika wa nyifwa wakurya viŵaro vyake.”
Panji kuti, “nyifwa yakofya.”
Mazgu gheneko, “Icho ntchake chara chikhalenge.”
Mazgu gheneko, “Waŵavyenge zina mu msewu.”