Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 17:1-16

IVYO VILI MU BUKU ILI

  • Yobu wakulutilira kuzgora (1-16)

    • “Ŵakugoska ŵaniwungilira” (2)

    • “Chiuta wanizgora chakuhoyeka” (6)

    • “Dindi liŵenge nyumba yane” (13)

17  “Mzimu wane waphyoka, mazuŵa ghane ghazimwika, Malaro ghakunilindilira.+   Ŵakugoska ŵaniwungilira,+ Ndipo jiso lane likudodoliska* nkharo yawo yakugaluka.   Naŵeya, zomerani chikholi chane ndipo muchisunge. Ni njani munyake uyo wakolengeko chasa kwa ine na kunilipilira?+   Pakuti mwajara mtima wawo kuti uleke kuŵa na mahara.+ Lekani mukuŵakwezga chara.   Wangagaŵirako ŵabwezi ŵake, Kweni maso gha ŵana ŵake ghafwenge.   Wanizgora chakuhoyeka* pakati pa ŵanthu,+ Mwakuti naŵa munthu uyo ŵakumufunyira mata kumaso.+   Jiso lane lachita chisi chifukwa cha vyakuŵinya,+ Viŵaro vyane vyose vili nga ni mzgezge.   Ŵanthu ŵakunyoloka ŵati waka pwaza, Ndipo wambura mulandu watimbanizgika chifukwa cha ŵambura kopa Chiuta.*   Murunji wakudemelera ku nthowa yake,+ Ndipo uyo wali na mawoko ghatuŵa wakukura mu nkhongono.+ 10  Kweni mose mungiza na kwambiraso kunisuska, Pakuti nindasangepo na yumoza uyo ngwavinjeru pakati pinu.+ 11  Mazuŵa ghane ghamara,+ Ivyo naghanaghananga na ivyo mtima wane wakhumbanga vyagota.+ 12  Ŵakulutilira kuzgora usiku kuŵa muhanya, Ŵakuti, ‘Ungweru uli pafupi chifukwa kuli mdima.’ 13  Usange ningalindizga, Dindi* liŵenge nyumba yane.+ Namutandika bedi lane mu mdima.+ 14  Namuchema khululu*+ kuti, ‘Ndimwe adada!’ Na mpholozi kuti, ‘Amama na mudumbu wane!’ 15  Kasi sono chigomezgo chane chili nkhu?+ Ni njani wangawona chigomezgo chane? 16  Chikhilirenge ku Dindi* la vipata vya mphingilizgo, Pa nyengo iyo tose tikhilirenge lumoza ku fuvu.”+

Mazgu Ghamusi

Panji kuti, “likukhala pa.”
Panji kuti, “ntharika; chidokoni.”
Panji kuti, “ŵakugaluka.”
Panji kuti, “Sheole,” ndiko kuti, malaro. Wonani Mang’anamuro gha Mazgu.
Panji kuti, “dindi.”
Panji kuti, “Sheole,” ndiko kuti, malaro. Wonani Mang’anamuro gha Mazgu.