Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 15:1-35

IVYO VILI MU BUKU ILI

  • Elifazi wakuyowoya kachiŵiri (1-35)

    • Wakuti Yobu wakumopa yayi Chiuta (4)

    • Wakuti Yobu ngwakujiŵikamo (7-9)

    • ‘Chiuta wakuŵagomezga yayi ŵatuŵa ŵake’ (15)

    • ‘Munthu muheni ndiyo wakusuzgika’ (20-24)

15  Elifazi+ Mutemani wakazgora kuti:   “Kasi munthu wavinjeru wangazgora vyawakawaka, Panji wangazuzga nthumbo yake na mphepo ya kumafumiro gha dazi?   Kuchenya na mazgu pera nkhwawaka, Ndipo kuyowoya kwekha kulije chandulo.   Pakuti ukupepuska kopa Chiuta, Ndipo ukughanaghanako viŵi yayi vya Chiuta.   Pakuti ubudi wako ndiwo ukukuphalira chakuyowoya,* Ndipo ukusankha mazgu ghauryarya.   Mulomo wako ukukususka, kuti ndine yayi, Ndipo milomo yako yikukupanikizgira.+   Kasi ndiwe ukamba kubabika, Panji kasi iwe ukababika pambere tumapiri tundalengeke?   Kasi ukupulikizga nkhani zachisisi za Chiuta, Panji ukuwona kuti ndiwe wekha uli na vinjeru?   Kasi ukumanya vichi ivyo ise tikuvimanya yayi?+ Ukupulikiska vichi ivyo ise tikuvipulikiska yayi? 10  Ŵambuha* na ŵachekuru wose ŵali pakati pithu,+ Ŵanalume ŵalara chomene kuluska awuso. 11  Kasi chipembuzgo cha Chiuta ntchakukwana yayi kwa iwe, Panji mazgu ghakuyowoyeka mwakuzika kwa iwe? 12  Chifukwa wuli mtima wako ukukuyegha, Ndipo chifukwa wuli maso ghako ghakuphayira na ukali? 13  Pakuti wazgora mzimu wako kwimikana na Chiuta, Ndipo ukuzomerezga mazgu ghanthena kufuma mu mulomo wako. 14  Kasi munthu ni njani kuti waŵe mutuŵa, Panji waliyose wakubabika na mwanakazi kuti waŵe murunji?+ 15  Wona! Ŵatuŵa ŵake wakuŵagomezga chara, Ndipo nanga nkhuchanya nkhutuŵa chara mu maso ghake.+ 16  Ntheura kuli wuli munthu munyankhasi na wakufipirwa,+ Munthu uyo wakumwa ubendezi nga ni maji! 17  Nikuphalirenge, pulika kwa ine. Nikulongosolerenge ivyo nawona, 18  Ivyo ŵavinjeru ŵayowoya kufuma ku ŵawiskewo,+ Vinthu ivyo ŵandavibise. 19  Charu chikapika kwa iwo pera, Ndipo pakaŵavya mulendo uyo wakajumpha pakati pawo. 20  Munthu muheni wakupulika vyakuŵinya mu mazuŵa ghake ghose, Mu vyaka vyose ivyo vyasungikira muwusi wankhaza. 21  Kapomezi kakofya kakupulikikwa mu makutu ghake,+ Mu nyengo ya mtende, vigeŵenga vikumuwukira. 22  Wakugomezga chara kuti wafumengemo mu mdima,+ Wasungikira lupanga. 23  Wakuyingayinga kupenja chakurya,* kuti chili nkhu? Wakumanya makora kuti zuŵa la mdima lili pafupi. 24  Suzgo na vyakuŵinya vikumofya, Vikumuthereska nga ni themba lakunozgekera nkhondo. 25  Pakuti wakuwuska woko lake kwimikana na Chiuta, Na kuyezgayezga kulimbana na Wankhongonozose, 26  Na mtima unonono, wakwimikana nayo mwaluŵiro, Na chiskango chake chikhomi chankhongono. 27  Chisko chake chabenekelereka na mafuta, Ndipo matako ghake ghali ming’inyuming’inyu chifukwa cha mafuta, 28  Wakukhala mu misumba iyo yiparanyikenge, Mu nyumba izo muzamuŵavya wakukhalamo, Izo zizamuŵa viwunjiko vya malibwe. 29  Waŵenge musambazi chara ndipo chuma chake chizamwandana chara, Nesi katundu wake kuthandazgika pa charu. 30  Wazamufumamo chara mu mdima, Dimi la moto lomizgenge mphukira yake,* Ndipo wazamufwa na mvuchi wakufuma mu mulomo wa Chiuta.+ 31  Wangapulukanga chara na kugomezga icho ntchawaka, Chifukwa icho ntchawaka ndicho chiŵenge malipiro ghake, 32  Vichitikenge pambere zuŵa lake lindafike, Ndipo minthavi yake yitikitirenge chara.+ 33  Waŵenge nga ni mpheska izo zikuyoyoska vipambi vyake vyambura kuphya, Ndiposo nga ni khuni la maolive ilo maluŵa ghake ghalakata. 34  Pakuti ungano wa ŵambura kopa Chiuta* ngwambura chandulo,+ Ndipo moto umyangurenge mahema gha ŵavimbundi. 35  Iwo ŵakutora nthumbo ya masuzgo* na kubaba icho ntchiheni, Ndipo nthumbo yawo yikubaba upusikizgi.”

Mazgu Ghamusi

Panji kuti, “ubudi wako ndiwo ukusambizga mulomo wako.”
Mazgu ghanyake, “Ŵanyivwi.”
Mazgu gheneko, “chingwa.”
Ndiko kuti, chigomezgo chose chakuti waponenge.
Panji kuti, “wa ŵakugaluka.”
Panji kuti, “ŵakuzuwuka masuzgo.”