Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Yobu 10:1-22

IVYO VILI MU BUKU ILI

  • Yobu wakulutilira kuzgora (1-22)

    • ‘Chifukwa wuli Chiuta wakulimbana nane?’ (2)

    • Yobu wakuyana yayi na Chiuta (4-12)

    • “Nikondwepo pachoko waka” (20)

10  “Nkhuseluka nawo umoyo wane.+ Niyowoyenge pakweru kudinginyika kwane. Niyowoyenge chifukwa cha kuŵinya kwa umoyo wane.   Nitenge kwa Chiuta: ‘Lekani kuyowoya kuti nili na mulandu. Muniphalire chifukwa icho mukulimbanirana nane.   Kasi nkhuwemi kwa imwe kuti musuzgenge ŵanthu,Kuyuyura mulimo wa mawoko ghinu,+Na kutemwera fundo za ŵaheni?   Kasi muli na maso gha thupi,Panji mukulaŵiska nga umo munthu wakulaŵiskira?   Kasi mazuŵa ghinu ghakuyana na mazuŵa gha ŵanthu,Panji vyaka vinu vikuyana na vya munthu,+   Apo mukupenjerezga ubudi waneNa kulutilira kupenjerezga kwananga kwane?+   Mukumanya kuti ndine wambura mulandu,+Ndipo palije na yumoza uyo wanganithaska mu woko linu.+   Mawoko ghinu ghakaniwumba na kunipanga,+Kweni sono muniparanyenge petu.   Nkhumuŵeyani, kumbukani kuti mukanipanga kufuma ku dongo,+Kweni sono mukuniwezgera ku fuvu.+ 10  Asi mukanipungura nga ni mkakaNa kunikhomeska nga ni chambiko?* 11  Mukanivwalika chikumba na nyama,Ndipo mukaniluka na viwangwa na misipa.+ 12  Mwanipa umoyo na lusungu* lukuru,Mwavikilira na kupwelelera mzimu* wane.+ 13  Kweni muchibisibisi mukaghanaghana kuchita vinthu ivi.* Nkhumanya kuti vinthu ivi vikufuma kwa imwe. 14  Para nananga, mukuniwona,+Ndipo mukunigowokera yayi ubudi wane. 15  Soka kwa ine usange nili wakwananga! Nanga ningaŵa wambura mulandu, ningawuska yayi mutu wane,+Pakuti nazura na soni na visuzgo.+ 16  Usange nawuska mutu wane, mukuniŵenda nga ni nkhalamu,+Na kulongoraso nkhongono zinu kwimikana nane. 17  Mukwiza na ŵakaboni ŵaphya kwimikana nane,Na kusazgirako ukali winu pa ine,Apo suzgo pa suzgo linyake likwiza pa ine. 18  Kasi mukanifumiskirachi mu nthumbo?+ Mphanyi nkhafwa pambere jiso lililose lindaniwone. 19  Mphanyi nanguŵa nga nindaŵeko,Mphanyi nkhafuma waka mu nthumbo na kuya ku dindi.’ 20  Asi mazuŵa ghane ngachoko?+ Iyo wanileke,Maso ghake ghaleke kunidodoliska kuti nikondwepo* pachoko waka+ 21  Pambere nindalute uko namuwelakoso yayi+Ku charu cha mdima ukuru,*+ 22  Ku charu cha chisi bii,Charu cha mfwiri ukuru na utimbanizgi,Uko ungweru uli nga ni chisi.”

Mazgu Ghamusi

Mazgu ghanyake, “masi.”
Panji kuti, “chitemwa chakugomezgeka.”
Panji kuti, “mvuchi; umoyo.”
Mazgu gheneko, “Ndipo vinthu ivi mwavibisa mu mtima winu.”
Panji kuti, “nipumulepo.”
Panji kuti, “ku charu cha mdima na mfwiri wa nyifwa.”