Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yesaya 50:1-11

IVYO VILI MU BUKU ILI

  • Masuzgo chifukwa cha zakwananga za Israyeli (1-3)

  • Muteŵeti wakupulikira wa Yehova (4-11)

    • Lulimi na khutu la ŵakusambizgika (4)

50  Yehova wakuti: “Kasi yili nkhu kalata yachipati+ ya anyoko, awo nili kuŵachimbizga? Panji nili kukuguliska kwa wangongoli nju? Wona, ukaguliskika chifukwa cha mphuvya zako,+ Ndipo nyoko wali kuchimbizgika chifukwa cha maubudi ghako.+   Ipo chifukwa wuli apo nkhizanga nkhasanga munthu chara? Chifukwa wuli pakaŵavya wakuzgora apo nkhachema?+ Kasi woko lane ndifupi kuti litondeke kuwombora, Panji ine nilije nkhongono zakuthaskira?+ Wona, nkhukamuska nyanja para nayichenya.+ Nkhuzgora milonga kuŵa chipalamba.+ Somba zikuvunda chifukwa cha kusoŵa maji, Ndipo zikufwa chifukwa cha nyota.   Nkhuvwalika machanya na chisi cha bii,+ Ndipo nkhughadikiska chigudulu.”   Fumu Yikuru Yehova yanipa lulimi lwa ŵakusambira,*+ Kuti nimanye kuzgora* wakuvuka na mazgu ghakwenelera.+ Wakuniwuska mulenji na mulenji. Wakuwuska khutu lane kuti nipulike nga ngwakusambira.+   Fumu Yikuru Yehova yajura khutu lane, Ndipo nkhaŵa wakugaluka chara.+ Nkhalazgira kunyake yayi.+   Nkhapelekera muwongo wane ku awo ŵakunitimba, Na matama ghane ku awo ŵakukwenyura mwembe. Nkhabisa chara chisko chane ku soni na kuthunyirika mata.+   Kweni Fumu Yikuru Yehova yinovwirenge.+ Lekani nikhozgekenge soni chara. Lekani nimika chisko chane nga ni libwe la gwaa!+ Ndipo nkhumanya kuti nilengeskekenge chara.   Uyo wakunipima murunji wali pafupi. Ni njani wangalimbana nane?+ Tiyeni tiyimilire pamoza. Ni njani wali nane na kafukwa? Wize pera.   Wonani, Fumu Yikuru Yehova yinovwirenge. Ni njani wanipenge mulandu? Wonani, wose ŵatchujukenge nga ntchakuvwara, Chidoyo chiŵaryenge. 10  Ni njani pakati pinu uyo wakopa Yehova, Na kupulikira lizgu la muteŵeti wake?+ Ni njani wakwenda mu mdima bii, kwambura ungweru? Wathembe zina la Yehova na kuyegamira kwa* Chiuta wake. 11  “Wonani, mose imwe mukubuska moto, Na kuŵaliska mbaliŵali muchanya, Mwende mu ungweru wa moto winu, Mu mbaliŵali izo mukuŵaliska. Ichi ndicho mupokerenge kufuma mu woko lane: Mugonenge pasi mu ulwilwi ukuru.

Mazgu Ghamusi

Panji kuti, “lulimi lwakusambizgika makora.”
Pangayowoyekaso kuti, “kukhozga.”
Panji kuti, “kugomezga.”