Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yesaya 4:1-6

IVYO VILI MU BUKU ILI

  • Ŵanakazi 7, mwanalume yumoza (1)

  • Icho Yehova wamezga chiŵenge chauchindami (2-6)

4  Mu zuŵa ilo,+ ŵanakazi 7 ŵazamukora mwanalume yumoza na kuyowoya kuti: “Tiryenge chakurya chithu Na kuvwara malaya ghithu. Kweni utizomerezge kuti tichemekenge na zina lako Kuti tifumiskeko soni zithu.”*+  Mu zuŵa ilo, ivyo Yehova wazamumezga vizamuŵa vyakutowa na vyakuchindikika. Ŵaisrayeli awo ŵapona ŵazamunotha na kusangwa na vipambi vya charu.+  Waliyose uyo wazamusidika mu Ziyoni na uyo wazamukhalira mu Yerusalemu wazamuchemeka mutuŵa, wose awo ŵalembeka kuti ŵazamuŵa ŵamoyo mu Yerusalemu.+  Para Yehova wasuka maukazuzi* gha ŵana ŵasungwana ŵa Ziyoni+ na kuwuskapo ndopa za Yerusalemu pakati pake kwizira mu mzimu wa kweruzga na mzimu wakotcha,+  Yehova wazamulengaso bingu na josi muhanya kweniso moto wakugolera usiku+ pa malo ghose gha Phiri la Ziyoni na malo ghake ghakuchitirapo maungano. Pa uchindami wake wose pazamuŵa chakubenekelera.  Ndipo pazamuŵa chisakasa chakubisamamo chithukivu cha muhanya,+ kweniso chakuponerako na kuvikilirika ku chimphepo na vula.+

Mazgu Ghamusi

Ndiko kuti, soni chifukwa cha kukhala wambura kutengwa na kuŵavya mwana.
Mazgu gheneko, “mavi.”