Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Yesaya 35:1-10

IVYO VILI MU BUKU ILI

  • Paradiso wazamuwezgekerapo (1-7)

    • Ŵachibulumutira ŵazamuwona; ŵakumangwa ŵazamupulika (5)

  • Nthowa Yakupatulika ku ŵakuwomboleka (8-10)

35  Mapopa na charu chambura maji vizamusekelera,+ Chipalamba chizamukondwa na kuzota nga ni luŵa la safuroni.+   Chizamuzota nadi,+ Chizamukondwa na kusekelera. Chizamupika uchindami wa Lebanoni,+ Utozi wa Karimeli+ na Sharoni.+ Ŵazamuwona uchindami wa Yehova, utozi wa Chiuta withu.   Khozgani mawoko ghakulepwetuka, Ndipo khomeskani makongono ghakuteluka.+   Phalirani awo ŵakwenjerwa mu mtima, kuti: “Muŵe ŵankhongono. Mungawopanga chara. Wonani, Chiuta winu wizenge na nduzga, Chiuta wizenge na kuwezgera.+ Wizenge na kumuponoskani.”+   Pa nyengo iyo, maso gha ŵachibulumutira ghazamujulika,+ Makutu gha ŵakumangwa ghazamupulika.+   Pa nyengo iyo, ŵakupendera ŵazamudukaduka nga ni mbaŵala,+ Lulimi lwa ŵambura kuyowoya luzamuchemerezga mwakukondwa.+ Pakuti maji ghazamubwibwituka mu mapopa Na tumilonga twa maji mu chipalamba.   Charu chambura maji chizamuŵa visapa vya maji,+ Charu chakomira gwaa chizamuŵa mbwiwi za maji. Mu malo ghakukhalamo ŵakambwe+ Muzamuŵa utheka wakubiliŵira, matete, na malukwa.   Msewu ukuru uzamuŵa mwenemura,+ Enya, nthowa yakuchemeka Nthowa Yakupatulika. Wakufipirwa wazamwendamo chara.+ Yasungikira uyo wakwenda pa nthowa. Vindere vizamupulukiramo yayi.   Nkhalamu zizamuŵamo chara, Ndipo vikoko vyakofya vizamwizamo chara. Vizamusangikamo chara.+ Kweni ŵakuwombokwa pera ndiwo ŵazamwendamo.+ 10  Awo ŵawomboleka na Yehova ŵazamuwelera+ na kwiza ku Ziyoni uku ŵakusekelera.+ Chimwemwe chamuyirayira chizamuŵa nga ni mphumphu pa mitu yawo.+ Ŵazamuzaya na kusekelera, Ndipo chitima na kutampha vizamuchimbira.+

Mazgu Ghamusi