Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yesaya 26:1-21

IVYO VILI MU BUKU ILI

  • Sumu ya chigomezgo na chiponosko (1-21)

    • Ya Yehova, ni Jalawe lamuyirayira (4)

    • Ŵanthu ŵa pa charu chapasi ŵazamusambira urunji (9)

    • “Ŵakufwa ŵinu ŵazamuŵaso ŵamoyo” (19)

    • Njirani mu vipinda vyamukati na kubisama (20)

26  Mu zuŵa ilo, sumu+ iyi yizamwimbika mu charu cha Yuda:+ “Tili na msumba wakukhora.+ Chiuta waŵikenge chiponosko kuŵa malinga na vibumira vya msumba uwu.+   Julani vipata,+ kuti mtundu waurunji unjiremo, Mtundu uwo ukuchita vinthu mwakugomezgeka.   Musungilirenge awo ŵakuyegamira kwa imwe fikepo. Muŵapenge mtende wambura kumara,+ Chifukwa ŵakuthemba imwe.+   Thembani Yehova mazuŵa ghose,+ Pakuti Ya,* Yehova ni Jalawe lamuyirayira.+   Wakhizgira pasi awo ŵakukhala muchanya, msumba wakukwezgeka, Wakuwukhizgira pasi, Wakuwukhizgira pa charu chapasi. Wakuwuwiskira pasi pa fuvu.   Lundi lidyakengepo, Malundi gha ŵakusuzgika, mbondolo za ŵakuyuyulika.”   Nthowa ya murunji njakunyoloka. Chifukwa ndimwe wakunyoloka, Muskesketezgenge nthowa ya murunji.   A Yehova, apo tikulondezga nthowa ya vyeruzgo vinu, Tikugomezga imwe. Tikunwekera zina linu na chikumbusko chinu.*   Usiku nkhunwekera imwe na umoyo wane wose, Enya, mzimu wane ukumupenjani.+ Chifukwa para mukupeleka cheruzgo pa charu chapasi, Awo ŵakukhala mu charu ŵakusambira urunji.+ 10  Nanga muheni walongoreke lusungu, wakusambira urunji yayi.+ Nanga ni mu charu cha ŵakunyoloka iyo wachitenge uheni nipera,+ Wakuwona yayi ukuru wa Yehova.+ 11  A Yehova, woko linu latumphuskika, kweni ŵakuliwona yayi.+ Ŵawonenge mwamphu uwo muli nawo ku ŵanthu ŵinu na kukhozgeka soni. Nadi, moto uwo mwapembera ŵalwani ŵinu uŵamyangurenge. 12  A Yehova, mutipenge mtende,+ Chifukwa chilichose icho tachita, Ndimwe mwatichitira. 13  A Yehova Chiuta withu, tawusikapo na mafumu ghanyake padera pa imwe,+ Kweni ise tikuzunura zina linu pera.+ 14  Ŵali kufwa, ŵaŵengeso ŵamoyo yayi. Ŵali mu nyifwa, ŵawukenge chara.+ Pakuti imwe mwalazgira kwa iwo Kuti muŵaparanye na kuŵamara wose, ŵaleke kuzunulikaso. 15  A Yehova, mwakuzga mtundu, Mwakuzga mtundu. Mwajipa uchindami.+ Mwasanuzga chomene mphaka zose za charu.+ 16  A Yehova, ŵakawelera kwa imwe mu nyengo ya suzgo. Mukati mwaŵachenya, ŵakalomba mwakuphwepwa kwa imwe.+ 17  Nga umo mwanakazi wanthumbo uyo wali pafupi kubaba, Wakuŵira na vyakuŵinya ndipo wakulira na ulwilwi, Ndimo nase taŵira chifukwa cha imwe, A Yehova. 18  Tikaŵa na nthumbo, nthumbo yikawuka, Kweni vili nga kuti tababa mphepo. Tindize na chiponosko mu charu, Palije uyo wababika kuti wakhale mu charu. 19  “Ŵakufwa ŵinu ŵazamuŵaso ŵamoyo. Vitanda vyane vizamuwuka.+ Wukani na kuchemerezga mwachimwemwe, Imwe mukukhala mu fuvu!+ Pakuti jumi linu lili nga ni jumi la mulenji, Ndipo charu chizamufumiska awo ŵali mu nyifwa kuti ŵaŵe ŵamoyo.* 20  Lutani ŵanthu ŵane, njirani mu vipinda vinu vyamukati, Ndipo jalani vijaro pamanyuma pinu.+ Bisamani kwa kanyengo kachoko, M’paka ukali ujumphe.+ 21  Pakuti wonani, Yehova wakwiza kufuma ku malo ghake Kuti walange awo ŵakukhala mu charu chifukwa cha mphuvya zawo, Charu chivumburenge ndopa izo zathiskika, Ndipo chibisengeso yayi ŵakukomeka ŵake.”

Mazgu Ghamusi

“Ya” nkhudumura kwa zina lakuti Yehova.
Ndiko kuti, kuti Chiuta wakumbukike pamoza na zina lake, wamanyikwe.
Panji kuti, “charu chizamubaba awo ŵakugona mu nyifwa.”