Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yesaya 24:1-23

IVYO VILI MU BUKU ILI

  • Yehova wazamuphyera charu (1-23)

    • Yehova ni Themba mu Ziyoni (23)

24  Wonani, Yehova wakupankhura charu na kuchizgora mapopa.+ Wakuchigadabura+ na kumbininiska awo ŵakukhalamo.+   Ŵanthu wose ŵazamuyana waka: Munthu kuyana na wasembe,* Muteŵeti na fumu yake, Muteŵetikazi na fumukazi yake, Wakugura na wakuguliska, Wakubwerekeska na wakubwereka, Wakukongozga na wakukongora.+   Charu chizamupankhukirathu, Chizamupokeka vinthu vyake vyose,+ Pakuti Yehova wayowoya mazgu agha.   Charu chikutengera,*+ chikumara. Charu chavundira chikomira, chikusukuluka. Ŵanthu ŵakuzirwa ŵa charu ŵafota.   Charu chakazuzgika na awo ŵakukhalamo,+ Chifukwa ŵajumpha malango,+ Ŵasintha dango,+ Na kuswa phangano lamuyirayira.*+   Lekani nthembo yikumilimitizga charu,+ Ndipo awo ŵakukhalamo ŵasangika na mulandu. Lekani awo ŵakukhala mu charu ichi ŵachepa, Ŵanthu ŵachoko waka ndiwo ŵakhalapo.+   Vinyo liphya likutengera,* mpheska zikufota,+ Ndipo awo ŵakakondwanga mu mtima ŵakutampha.+   Ŵanthu ŵaleka kusangwa na tung’oma, Vyongo vya awo ŵakuzaya vyamara, Chimwemwe cha bango chaleka.+   Ŵakumwa vinyo kwambura sumu, Ndipo chakumwa chakuloŵezga chikuŵaŵa kwa awo ŵakumwa. 10  Tawuni yambura ŵanthu yapankhuka.+ Nyumba yiliyose yajalika, palije wakunjiramo. 11  Ŵakulilira vinyo mu misewu. Kusekelera kose kwazgeŵelekera, Chimwemwe cha charu chaluta.+ 12  Msumba wakhala mapopa. Chipata chabwangandulika, chazgoka chibumira.+ 13  Pakuti umu ndimo vizamuŵira mu charu, mukati mwa ŵanthu: Vizamuŵa nga ni para khuni la maolive likusunkhunyika,+ Nga nkhuvulura mpheska para vuna yaumaliro yamara.+ 14  Ŵazamutumphuska mazgu ghawo, Ŵazamuchemerezga mwachimwemwe. Kufuma ku nyanja* ŵazamupharazga vya ukuru wa Yehova.+ 15  Lekani ŵazamuchindika Yehova mu chigaŵa cha ungweru.*+ Mu virwa vya mu nyanja ŵazamuchindika zina la Yehova, Chiuta wa Israyeli.+ 16  Tikupulika sumu kufuma ku vigoti vya charu, kuti: “Uchindami* kwa Murunji!”+ Kweni ine nkhuti: “Nkhughanda, Nkhughanda! Soka kwa ine! Munthu muryarya wakuchita uryarya. Na uryarya, munthu muryarya wakuchita vinthu mwauryarya.”+ 17  Chitenthe, mbuna, na vipingo vikumulindilirani, imwe mukukhala mu charu.+ 18  Waliyose uyo wakuchimbira mazgu gha chitenthe, wamuwira mu mbuna, Uyo wakufuma mu mbuna, wakolekenge na chipingo.+ Pakuti vyakujulira maji vyakuchanya vijulikenge, Ndipo malufura gha charu ghasunkhunyikenge. 19  Charu chasweka, Charu chasunkhunyika, Charu chikumbwakamira uheni.+ 20  Charu chili penthyapenthya nga ni munthu muloŵevu, Chili yughuyughu nga nkhanyumba ako kakusunkhunyika na mphepo. Ubudi wake wachinyekezga chomene,+ Chiwenge, ndipo chizamuwukaso chara. 21  Mu zuŵa ilo, Yehova wazamuzgokera ku wumba uwo ukukhala kuchanya Na ku mathemba gha charu chapasi. 22  Ŵazamuwunganyika pamoza Nga mbakayidi awo ŵawunganyika mu chibuwu, Ŵazamujalirika mu gadi. Para mazuŵa ghanandi ghajumphapo ŵazamulangika. 23  Mwezi uzamukhozgeka soni, Ndipo dazi lizamulengeskeka,+ Pakuti Yehova wa mawumba waŵa Themba+ mu Phiri la Ziyoni+ na mu Yerusalemu, Uchindami uŵenge pa ŵalara ŵa ŵanthu ŵake.*+

Mazgu Ghamusi

Mazgu ghanyake, “musofi.”
Pangayowoyekaso kuti, “chikomira.”
Panji kuti, “lamwaka.”
Pangayowoyekaso kuti, “likomira.”
Panji kuti, “kumanjiliro gha dazi.”
Panji kuti, “kumafumiro gha dazi.”
Panji kuti, “Kutowa.”
Mazgu gheneko, “pamaso pa ŵalara ŵake.”