Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yesaya 17:1-14

IVYO VILI MU BUKU ILI

  • Uthenga wakwimikana na Damaseko (1-11)

  • Yehova wachenyenge mitundu (12-14)

17  Uthenga wakwimikana na Damaseko.+ “Wonani, Damaseko waŵengeso msumba yayi, Wabwangandulikenge na kuzgoka chibumira.+   Misumba ya Aroyeri+ yisidikenge, Yizgokenge malo ghakugonako miskambo, Kwambura munthu wakuyiwofya.   Misumba ya malinga ghakukhora yimalenge mu Efurayimu,+ Ndipo ufumu umalenge mu Damaseko.+ Awo ŵakhalapo mu Siriya Ŵaŵenge nga mbuchindami wa Ŵaisrayeli,”* wakuti Yehova wa mawumba.   “Mu zuŵa ilo, uchindami wa Yakhobe uzamuchepa, Ndipo thupi lake lakututuŵa lizamughanda.   Vizamuŵa nga ni para wakuvuna wakusenga* tirigu, Ndipo woko lake likuvuna mphonje za tirigu, Nga ni para munthu wakuvulura tirigu mu Dambo* la Refayimu.+   Vyakuvulura vyekha ndivyo vizamukhalapo, Nga ni umo vikuŵira para ŵasunkhunya khuni la maolive: Maolive ghakuphya ghaŵiri panji ghatatu pera ndigho ghakukhalira mu munthavi wamuchanya chomene, Ghanayi panji ghankhondi pa minthavi iyo yikupasa,”+ wakuti Yehova Chiuta wa Israyeli.  Mu zuŵa ilo, munthu wazamulaŵiska kwa Mlengi wake, ndipo maso ghake ghazamudodoliska Mutuŵa wa Israyeli.  Wazamulaŵiska pa majotchero chara,+ mulimo wa mawoko ghake,+ ndipo wazamudodoliska chara pa ivyo minwe yake yikapanga, kwali ni vimakuni vyakupatulika* panji vyakuŵikapo vyakununkhira.   Mu zuŵa ilo, misumba yake ya malinga yizamuŵa nga ni malo ghakusidika mu nkhorongo,+ Nga ni munthavi uwo ukasidika pamaso pa Ŵaisrayeli. Yizamuzgoka mayiyi. 10  Pakuti mwaluwa Chiuta+ wa chiponosko chinu, Mwatondeka kukumbuka Jalawe+ ilo ni linga linu. Lekani mwalima minda yakutowa Na kupandamo mphukira ya mulendo.* 11  Muhanya mukuzengera chipanga munda winu, Namulenji mukumezga mbuto yinu, Kweni vuna yizamumara mu zuŵa la nthenda na vyakuŵinya vyambura kupora.+ 12  Pulikani, kuli chongo cha ŵanthu ŵanandi, Ŵakupoma nga ni nyanja. Mitundu yaŵinduka, Yikupoma nga ni maji ghankhongono. 13  Mitundu yipomenge nga ni maji ghanandi. Wayichenyenge, ndipo yichimbilirenge kutali, Yichimbizgikenge nga ni mwelero wa mu mapiri uwo ukuputwa na mphepo, Nga ntchisazali icho chikuputwa na chimphepo. 14  Namise kuli wofi. Pambere kundache, iwo kulije. Ichi ntchigaŵa cha awo ŵakutipoka vinthu Na chiharo cha awo ŵakutiphanga.

Mazgu Ghamusi

Mazgu gheneko, “ŵana ŵa Israyeli.”
Mazgu ghanyake, “wakwipha.”
Panji kuti, “Chidika cha.”
Panji kuti, “chiuta wachilendo.”