Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yesaya 11:1-16

IVYO VILI MU BUKU ILI

  • Muwuso waurunji wa mphukira ya Yese (1-10)

    • Mphumphi na mwana wa mberere vizamukhala pamoza (6)

    • Charu chizamuzura na kumanya Yehova (9)

  • Ŵakukhalapo ŵawelera (11-16)

11  Msisi+ umelenge pa chisinga cha Yese,+ Ndipo mphukira+ yakufuma pa misisi yake yipasenge vipasi.   Mzimu wa Yehova uzamuŵa pa iyo,+ Mzimu wa vinjeru+ na wa kupulikiska, Mzimu wa kulongozga na wa nkhongono,+ Mzimu wa kumanya tunthu na wa kopa Yehova.   Wazamukondwa kumopa Yehova.+ Wazamweruzga kutolera waka ivyo maso ghake ghawona yayi, Nesi kuchenya kuyana na ivyo wapulika waka na makutu ghake.+   Ŵakuyuyuka wazamuŵeruzga mwaurunji, Wazamuchenya ŵanthu mwakunyoloka chifukwa cha ŵakuzika ŵa charu chapasi. Wazamutimba charu chapasi na ndodo ya mulomo wake,+ Na kukoma ŵaheni na mvuchi* wa milomo yake.+   Urunji uzamuŵa lamba mu luwunda lwake, Kugomezgeka kuzamuŵa bande mu chiwuno mwake.+   Mphumphi yizamukhala pamoza na kana ka mberere,+ Ndipo kana ka mbuzi kazamugona pamoza na nyalubwe, Tholi na nkhalamu na chinyama chakututuŵa vyose vizamuŵa pamoza.*+ Ndipo msepuka wazamuvilongozga.   Ng’ombe na nkhalamira vizamurya pamoza, Twana twawo tuzamugona pamoza. Nkhalamu yizamurya utheka nga ni ng’ombe.+   Mwana wakonkha wazamuseŵera pa khululu la njoka ya nyachikho, Ndipo mwana wakulumulika wazamuŵika woko lake pa mphaku ya njoka yapoyizoni.   Vizamupwetekana chara+ Panji kuparanyana mu phiri lane lose lituŵa,+ Chifukwa charu chapasi chizamuzura na kumanya Yehova Nga umo maji ghakuzuzgira nyanja.+ 10  Mu zuŵa ilo, msisi wa Yese+ uzamwimilira nga ntchimanyikwiro ku ŵanthu.+ Mitundu yizamwiza kwa iyo kupenja ulongozgi,*+ Ndipo malo ghake ghakupumulirako ghazamuŵa ghauchindami. 11  Mu zuŵa ilo, Yehova wazamupelekaso woko lake kachiŵiri kuti watoreso ŵakukhalapo ŵa ŵanthu ŵake awo ŵasidika kufuma ku Asiriya,+ Eguputo,+ Patirosi,+ Kushi,+ Elamu,+ Shinara,* Hamati, na mu virwa vya mu nyanja.+ 12  Wazamuyimika chimanyikwiro pa ŵamitundu na kuwunganya ŵakumbininika ŵa Israyeli.+ Wazamuwunganya pamoza ŵakumbininika ŵa Yuda kufuma ku vigaŵa vinayi vya charu chapasi.+ 13  Sanji za Efurayimu zizamumara,+ Ndipo awo ŵakapindikananga na Yuda ŵazamukomeka. Efurayimu wazamuchitira sanji Yuda chara, Panji Yuda kupindikana na Efurayimu.+ 14  Ŵazamugodoboka pa vikhizga* vya Ŵafilisiti kumanjiliro gha dazi. Wose pamoza ŵazamupoka vinthu vya ŵanthu ŵakumafumiro gha dazi. Ŵazamunyoloskera woko lawo pa* Edomu+ na Mowabu,+ Ndipo Ŵaamoni ŵazamuŵa ŵanthu ŵawo.+ 15  Yehova wazamupatura* phota* la nyanja ya Eguputo+ Na kusunkhunya woko lake pachanya pa Mlonga.*+ Na mvuchi* wake wakotcha, wazamutimba na kugaŵa tumilonga twake 7, Ndipo ŵanthu ŵazamwambuka uku ŵavwara skapato zawo. 16  Msewu ukuru+ uzamufuma mu Asiriya kuti ŵakukhalapo ŵa ŵanthu ŵake awo ŵasidika ŵendemo,+ Nga umo vikaŵira kwa Israyeli pa zuŵa ilo wakafumanga mu charu cha Eguputo.

Mazgu Ghamusi

Panji kuti, “mzimu.”
Pangayowoyekaso kuti, “Tholi na nkhalamu vizamurya pamoza.”
Panji kuti, “Mitundu yizamumupenja.”
Ndiko kuti, Babuloniya.
Mazgu gheneko, “viŵegha.”
Panji kuti, “Ŵazamulongora nkhongono zawo pa.”
Pangayowoyekaso kuti, “wazamuwomizga.”
Panji kuti, “lulimi lwa.”
Ndiko kuti, Yufurate.
Panji kuti, “mzimu.”