Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yeremiya 21:1-14

IVYO VILI MU BUKU ILI

  • Yehova wakana pempho la Zedekiya (1-7)

  • Ŵanthu ŵasankhe umoyo panji nyifwa (8-14)

21  Yeremiya wakapokera mazgu kufuma kwa Yehova apo Themba Zedekiya+ likamutumira Pashuri+ mwana wa Malikiya na Zefaniya+ mwana wa Maseya, wasembe,* kukamupempha kuti:  “Utifumbire kwa Yehova, chifukwa Themba Nebukadinezara* la Babuloni likurwa nase nkhondo.+ Panyake Yehova wangatichitira milimo yake yakuzizwiska, kuti themba ili lifumeko kwa ise.”+  Yeremiya wakati kwa iwo: “Mukamuphalire Zedekiya kuti:  ‘Yehova Chiuta wa Israyeli wakuti: “Wona, nkhulazgiska kwa iwe vilwero vya nkhondo ivyo vili mu mawoko ghako, ivyo ukulwera na themba la Babuloni+ na Ŵakalidi awo ŵazingilizga kuwaro kwa linga lako. Niviwunjikenge pakati pa msumba uwu.  Ndipo ine nirwenge nawe+ na woko lakunyoloskeka kweniso woko lankhongono, mu ukali, kutukutwa, na mbembe yikuru.+  Nitimbenge awo ŵakukhala mu msumba uwu, ŵanthu na nyama wuwo. Ŵafwenge na nthenda yakofya.”’+  “‘Yehova wakuti: “Pamanyuma, Zedekiya themba la Yuda, ŵateŵeti ŵake na ŵanthu ŵa mu msumba uwu awo ŵapona ku nthenda yakofya, nizamuŵapeleka ku lupanga, njara na mu woko la Themba Nebukadinezara* la Babuloni, mu woko la ŵalwani ŵawo na mu woko la awo ŵakupenja umoyo wawo.+ Wazamuŵachitira chitima yayi, chiwuravi panji lusungu.”’+  “Ndipo ŵanthu aŵa uŵaphalire kuti: ‘Yehova wakuti: “Wonani, nkhuŵika pamaso pinu nthowa ya umoyo na nthowa ya nyifwa.  Awo ŵakhalilirenge mu msumba uwu ŵafwenge na lupanga, njara, na nthenda yakofya. Kweni waliyose uyo wakufuma na kujipeleka ku Ŵakalidi awo ŵamuzingilizgani waŵenge wamoyo, ndipo umoyo wake uŵenge nga ntchinthu icho wapoka pa nkhondo.”’*+ 10  “‘Yehova wakuti: “Chisko chane chimikana na msumba uwu kuwukhizgira soka, chiwemi chara.+ Upelekekenge mu woko la themba la Babuloni,+ ndipo liwuwotchenge na moto.”+ 11  “‘Uŵaphalire ŵamunyumba ya themba la Yuda kuti: Pulikani mazgu gha Yehova. 12  Iwe nyumba ya Davide, Yehova wakuti: “Uchitenge urunji mulenji uliwose, Uŵathaske mu woko la mukhuluku awo ŵakupokeka vinthu vyawo,+ Mwakuti ukali wane uleke kugolera nga ni moto+ Na kotcha kwambura munthu kuwuzimwa Chifukwa cha milimo yinu yiheni.”’+ 13  Yehova wakuti: ‘Wona, nkhwimikana nawe, iwe ukukhala mu dambo,* Iwe jalawe la mu malo ghakuthambalara. Wamweneiwe ukuti: “Ni njani wakhirenge kwimikana nase? Ni njani wanjirenge mu malo ghithu?” 14  Nikulangenge, Kuyana na milimo yako,’+ wakuti Yehova. ‘Niwotchenge nkhorongo yako na moto, Umyangurenge vinthu vyose zingilizge.’”+

Mazgu Ghamusi

Mazgu ghanyake, “musofi.”
Wakulembekaso kuti, Nebukadirezara.
Wakulembekaso kuti, Nebukadirezara.
Panji kuti, “wachimbirenge na umoyo wake.”
Panji kuti, “chidika.”