Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Yeremiya 20:1-18

IVYO VILI MU BUKU ILI

  • Pashuri watimba Yeremiya (1-6)

  • Yeremiya wangaleka chara kupharazga (7-13)

    • Uthenga wa Chiuta uli nga ni moto wakugolera (9)

    • Yehova wali nga ntchinkhara chakofya (11)

  • Yeremiya wakudandawura (14-18)

20  Pashuri mwana wa Imeri, wasembe,* uyo wakaŵaso mwimiliri mukuru wa nyumba ya Yehova, wakapulikanga apo Yeremiya wakachimanga vinthu ivi.  Penepapo Pashuri wakatimba Yeremiya ntchimi na kumuŵika mu magwedi+ agho ghakaŵa pa Chipata Chakunena cha Benjamini, icho chikaŵa mu nyumba ya Yehova.  Kweni pa zuŵa lakulondezgapo, Pashuri wakamuwuskamo Yeremiya mu magwedi. Ndipo Yeremiya wakati kwa iyo: “Yehova wakuthya zina lakuti Pashuri chara kweni Chakutenthemeska Kosekose.+  Yehova wakuti: ‘Nikuzgorenge chinthu chakutenthemeska kwa wamwene na ku ŵanyako wose. Ndipo ŵawenge na lupanga lwa ŵalwani ŵawo iwe ukuwona.+ Nipelekenge Yuda yose mu woko la themba la Babuloni, waŵatolerenge ku wuzga ku Babuloni na kuŵakoma na lupanga.+  Nipelekenge vyuma vyose vya msumba uwu, katundu wake yose, vinthu vyake vyose vyakuzirwa, na usambazi wose wa mathemba gha Yuda mu woko la ŵalwani ŵawo.+ Ŵaviyorenge na kuvitora kuya navyo ku Babuloni.+  Ndipo iwe Pashuri, na wose awo ŵakukhala mu nyumba yako, mutolekerenge ku wuzga. Mulutenge ku Babuloni na kukafwira kwenekuko. Wamusungika kwenekuko pamoza na ŵanyako wose chifukwa wachima mautesi kwa iwo.’”+   A Yehova, mwanizelezeska, ndipo nazelezeka. Mwalimbana nane na nkhongono zinu, ndipo mwaluska.+ Nazgoka chinthu chakusekeska muhanya wose Waliyose wakunigoska.+   Pakuti para nkhuyowoya, nkhuchemerezga na kupharazga kuti: “Nkhaza na pharanyiko!” Ŵanthu ŵakunichitira msinjiro na kunihoya zuŵa lose chifukwa cha mazgu gha Yehova.+   Ntheura nkhati: “Nimuzunurengeso yayi, Niyowoyengeso chara mu zina lake.”+ Kweni mu mtima wane vikaŵa nga moto wakugolera wajalirika mu viwangwa vyane, Nkhavuka kuwukora. Nkhatondeka kuzizipizga.+ 10  Pakuti nkhapulika mahumuhumu ghanandi ghaheni. Chitenthe chikanizingilizga.+ “Muchenyani, tiyeni timuchenye.” Wose awo ŵakanikhumbiranga mtende ŵakalindiliranga kuti niwe,+ ŵakatenge: “Panyake wachitenge chinthu chauchindere, Ndipo ise tiluskenge na kumuwezgera nduzga.” 11  Kweni Yehova wakaŵa nane nga ntchinkhara chakofya cha nkhondo.+ Lekani wose awo ŵakunitambuzga ŵakhuŵarenge ndipo ŵaluskenge yayi.+ Ŵalengeskekenge chomene, pakuti viŵayenderenge yayi. Soni zawo zamuyirayira ziluwikenge chara.+ 12  Kweni imwe, A Yehova wa mawumba, mukusanda murunji. Mukulaŵiska mukati mu maghanoghano* na mtima.+ Lekani niwone nduzga zinu pa iwo,+ Pakuti napeleka mulandu wane kwa imwe.+ 13  Yimbirani Yehova! Lumbani Yehova! Pakuti wathaska mukavu mu woko la ŵakuchita viheni. 14  Litembeke zuŵa ilo nkhababikira, Zuŵa ilo amama ŵakanibabira lingatumbikikanga chara.+ 15  Watembeke munthu uyo wakiza na uthenga uwemi kwa adada, wakuti: “Kwa imwe kwababika mwana msepuka!” Uthenga uwo ŵakasekelera nawo chomene. 16  Munthu uyo waŵe nga ni misumba iyo Yehova wakayiparanya kwambura chitima. Wapulike chiliro mulenji na ntchemerezgo muhanya pakati. 17  Kasi wakalekerachi kunikomera mu nthumbo, Kuti amama ŵaŵe dindi lane Ndipo nthumbo yawo yikhalilire nyengo zose?+ 18  Kasi nkhafumirachi mu nthumbo Kuzakawona suzgo na chitima, Na kumalizgira mazuŵa ghane mu soni?+

Mazgu Ghamusi

Mazgu ghanyake, “musofi.”
Mazgu gheneko, “Mukulaŵiska mu ziso.”