Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Yeremiya 16:1-21

IVYO VILI MU BUKU ILI

  • Yeremiya wakanizgika kutora, kulira, panji kuluta ku viphikiro (1-9)

  • Para Chiuta waŵalanga, wazamuŵawezgeraso ku charu chawo (10-21)

16  Mazgu gha Yehova ghakizaso kwa ine, kuti:  “Ungatoranga mwanakazi chara, ndipo ungaŵanga na ŵana ŵanalume na ŵanakazi mu malo agha yayi.  Pakuti Yehova wakuyowoya vya ŵana ŵanalume na ŵanakazi awo ŵakubabikira muno, kweniso vya ŵanyinawo na ŵawiskewo awo ŵakuŵababa mu charu ichi, wakuti:  ‘Ŵafwenge na nthenda zakofya,+ kweni palije uyo waŵalirenge panji kuŵasunga. Ŵaŵenge nga ni manyoŵa pa charu.+ Ŵamalenge na lupanga na njara,+ ndipo vitanda vyawo viŵenge vyakurya vya viyuni vyamudera na vikoko vya pa charu.’   Yehova wakuti: ‘Unganjirangamo yayi mu nyumba ya chivumbi, Unganjirangamo yayi kuti ukatengere panji kukhuza.’+ ‘Pakuti nawuskapo mtende wane pa ŵanthu aŵa,’ wakuti Yehova, ‘Kweniso chitemwa* na lusungu lwane.+   Wose ŵakuru na ŵachoko ŵafwirenge mu charu ichi. Ŵasungikenge chara, Palije uyo waŵatengerenge, Palije munthu uyo wajichekenge panji kujimeta kulikuli chifukwa cha iwo.   Palije uyo waŵapenge chakurya awo ŵakutengera, Kuŵasanguluska chifukwa cha ŵakufwa ŵawo. Palije uyo waŵapenge nkhombo ya chipembuzgo Kuti ŵamwe chifukwa cha nyifwa ya awiskewo panji anyinawo.   Unganjirangamo yayi mu nyumba ya chiphikiro Kukhala nawo pasi, kuti urye na kumwa.’  “Pakuti Yehova wa mawumba, Chiuta wa Israyeli wakuti: ‘Nilekeskenge mazgu ghakuzaya na mazgu ghakusekelera, mazgu gha mwenenthengwa na mazgu gha mwali mu malo ghano, mu mazuŵa ghinu, kweniso pamaso pinu.’+ 10  “Para waŵaphalira ŵanthu aŵa mazgu ghose agha, iwo ŵakufumbenge kuti: ‘Chifukwa wuli Yehova watiyowoyera soka lose ili likuru? Kasi tabuda vichi panji tamunangira vichi Yehova Chiuta withu?’+ 11  Iwe uŵaphalire kuti: ‘“Chifukwa ntchakuti ŵasekuru ŵinu ŵakanisida,”+ wakuti Yehova, “ndipo ŵakalondezganga ŵachiuta ŵanyake, kuŵateŵetera na kuŵasindamira.+ Kweni ine ŵakanisida, ndipo ŵakasunga yayi dango lane.+ 12  Imwe mwachita uheni chomene kuluska ŵasekuru ŵinu,+ waliyose wa imwe wakulondezga mtafu wa mtima wake uheni m’malo mwa kupulikira ine.+ 13  Ntheura nimufumiskaninge mu charu ichi na kumuponyani ku charu icho imwe panji ŵasekuru ŵinu mundachimanye.+ Kwenekura mwamuteŵetera ŵachiuta ŵanyake muhanya na usiku,+ chifukwa namumuchitirani lusungu yayi.”’ 14  “Yehova wakuti: ‘Kweni mazuŵa ghakwiza apo ŵazamuyowoyaso yayi kuti: “Nadi pano Yehova wamoyo, uyo wakafumiska Ŵaisrayeli mu charu cha Eguputo,”+ 15  kweni ŵazamuti: “Nadi pano Yehova wamoyo, uyo wakafumiska Ŵaisrayeli ku charu cha kumpoto na ku vyaru vyose ivyo wakaŵambininiskira.” Namuŵawezgera ku charu chawo, icho nkhapeleka ku ŵasekuru ŵawo.’+ 16  Yehova wakuti: ‘Wonani, nkhutuma ŵalovi ŵanandi, Ndipo ŵamuŵaloŵa. Kufuma apo, namutuma ŵachiŵinda ŵanandi, Ndipo ŵamuŵasokora pa phiri lililose na pa kaphiri kalikose Kweniso mu mphanji za majalawe. 17  Pakuti maso ghane ghali pa vyose ivyo ŵakuchita.* Vindabisike kwa ine, Mphuvya zawo nazo zindabisike ku maso ghane. 18  Nambenge kuŵawezgera nduzga zakukwana pa mphuvya zawo na kwananga kwawo,+ Pakuti ŵafipiska charu chane na vikozgo* vyambura umoyo vya ŵangoza ŵawo ŵakuseluska Ndipo ŵazuzga chiharo chane na vinthu vyawo vyaukazuzi.’”+ 19  Mwe Yehova, imwe nkhongono zane na linga lane lakukhora, Malo ghane ghakuchimbilirako mu zuŵa la suzgo,+ Mitundu yizenge kwa imwe kufuma ku vigoti vya charu chapasi, Ndipo yitenge: “Ŵasekuru ŵithu ŵakahara utesi pera, Vyawaka, vinthu vyambura chandulo.”+ 20  Kasi munthu wangajipangira ŵachiuta, Apo mbachiuta nadi yayi?+ 21  “Ntheura niŵamanyiskenge, Pa nyengo iyi, niŵamanyiskenge woko lane na nkhongono zane, Ndipo ŵamanyenge kuti zina lane ndine Yehova.”

Mazgu Ghamusi

Panji kuti, “chitemwa chakugomezgeka.”
Mazgu gheneko, “nthowa zawo zose.”
Mazgu gheneko, “vitanda.”