Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Sumu ya Solomoni 7:1-13

IVYO VILI MU BUKU ILI

  • Themba (1-9a)

    • “Ndiwe wakukondweska, iwe msungwana wakutemweka” (6)

  • Mwali (9b-13)

    • “Ine nili wa wakutemweka wane, ndipo khumbo lake lili kwa ine” (10)

7  “Malundi ghako ngakutowa nadi mu vilyato* vyako, Iwe mwana msungwana wakuchindikika! Kawumbikiro ka vigha vyako kali nga ni vitoweskero, Mulimo wa mawoko gha munthu waluso.   Mudoto wako uli nga ni bakule wakuvungumara. Wangasoŵanga chara vinyo lakusazgika. Nthumbo yako ntchiwunjiko cha tirigu, Yazingilizgika na maluŵa.   Mabere ghako ghaŵiri ghali nga nthwana tuŵiri, Twana twamuleza twa mphoyo.+   Singo yako+ yili nga ntchigongwe cha mino gha zovu.+ Maso ghako+ ghali nga ni viziŵa mu Heshiboni,+ Pafupi na chipata cha Bati-rabimu. Mphuno yako yili nga ntchigongwe cha ku Lebanoni, Icho chikulazga ku Damaseko.   Mutu wako ukukutozga nga ni Karimeli,+ Vipoti* vya sisi lako*+ vili nga ni weya utchesamu.+ Themba likutoleka mtima* na sisi lako litali.   Ndiwe wakutowa nadi, ndipo ndiwe wakukondweska, Iwe msungwana wakutemweka, kuluska vyose ivyo ni vyakukondweska!   Thupi lako lili nga ni khuni la mkama, Ndipo mabere ghako ghali nga makhunje gha viŵali.+   Ine nkhati: ‘Nikwerenge khuni la mkama, Kuti nkhakore vipambi vyake.’ Mabere ghako ghaŵe nga ni makhunje gha mpheska, Mvuchi wako uŵe wakununkhira makora nga ni maapulo,   Ndipo mulomo wako uŵe nga ni vinyo liwemi chomene.” “Limukhilire makoramakora wakutemweka wane, Likukhira makora pa milomo ya awo ŵagona. 10  Ine nili wa wakutemweka wane,+ Ndipo khumbo lake lili kwa ine. 11  Zanga, iwe wakutemweka wane, Tiye tilute ku minda, Tikakhale pakati pa vivwati vya kofa.+ 12  Tiye tiwuke usikusiku, tilute ku minda ya mpheska, Tikawone usange mpheska zaphuka,* Usange maluŵa ghazota,+ Usange marimoni ghali na maluŵa.+ Kwenekura namukulongora chitemwa chane.+ 13  Mandireki+ ghakufumiska sungu lake, Pa milyango pali mtundu uliwose wa vipambi viwemi.+ Viphya na vyakale wuwo, Nakusungira iwe, wakutemweka wane.

Mazgu Ghamusi

Mazgu ghanyake, “nkhwaŵira; nkhwato.”
Mazgu ghanyake, “vikuti; mangongo.”
Mazgu gheneko, “mutu wako.”
Panji kuti, “lakoleka.”
Panji kuti, “zasunda.”