Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Sumu ya Solomoni 1:1-17

IVYO VILI MU BUKU ILI

  • Sumu ya zisumu (1)

  • Mwali (2-7)

  • Ŵana ŵanakazi ŵa Yerusalemu (8)

  • Themba (9-11)

    • “Tikupangirenge vitoweskero vyagolide” (11)

  • Mwali (12-14)

    • “Wakutemweka wane wali nga nkhathumba ka mure” (13)

  • Muliska (15)

    • “Ndiwe wakutowa, wakutemweka wane”

  • Mwali (16, 17)

    • “Wakutemweka wane, ndiwe wakutowa” (16)

1  Sumu ya zisumu,* iyo nja Solomoni:+   “Wanifyofyonthe na mifyofyontho ya mulomo wake, Pakuti chitemwa chako ntchiwemi kuluska vinyo.+   Sungu la mafuta ghako ndiwemi.+ Zina lako lili nga ni mafuta ghakununkhira agho ghapungulika.+ Lekani ŵamwali ŵakukutemwa.   Unitore,* tiye tichimbire. Pakuti themba laninjizga mu vipinda vyake vyamukati. Tiye tikondwe na kusekelera mwa iwe. Tiye tilumbe* chitemwa chako kuluska vinyo. Mphake kuti ŵakukutemwa.*   Imwe ŵana ŵanakazi ŵa Yerusalemu, ine nili mufipa kweni nili wakutowa, Nili nga mahema gha Kedara,+ nga ni salu za hema+ la Solomoni.   Munganidodoliskanga yayi chifukwa chakuti nabinkha, Chifukwa dazi laniŵawura. Ŵana ŵanalume ŵa amama ŵakanikwiyira. Ŵakanimika kuti nisungilirenge minda ya mpheska, Kweni munda wane wa mpheska nkhawusunga yayi.   Niphalira, iwe wamweneiwe nkhukutemwa* chomene, Uko ukuliska mskambo wako,+ Uko wawugoneka namuhanya pakati. Kasi niŵirechi nga ni mwanakazi uyo wabundilizgika chidiko* Pakati pa miskambo ya ŵanyako?”   “Usange ukumanya yayi, iwe wakutowa chomene mu ŵanakazi, Luta ulondezge malundi gha mskambo Ndipo uliske tumbuzi twako pafupi na mahema gha ŵaliska.”   “Iwe wakutemweka wane, nkhukuyaniska na hachi lanakazi pakati pa magileta gha Farawo.+ 10  Matama ghako ghakuwoneka makora na vitoweskero, Singo yako na vingwe vya mikanda. 11  Tikupangirenge vitoweskero vyagolide, Na kuviphaka siliva.” 12  “Apo themba likukhala pa thebulu lake, Vyakununkhira vyane*+ vikufumiska sungu lake. 13  Wakutemweka wane wali nga nkhathumba ka mure kwa ine,+ Kakugona pakati pa mabere ghane. 14  Wakutemweka wane wali nga ni luŵa la kofa kwa ine,+ Mu minda ya mpheska ya ku Engedi.”+ 15  “Wona, ndiwe wakutowa, wakutemweka wane. Wona, ndiwe wakutowa. Maso ghako ghakukozgana na gha nkhunda.”+ 16  “Wona, wakutemweka wane, ndiwe wakutowa* na wakukondweska.+ Chakugonapo chithu chili pakati pa mahamba. 17  Michiko ya nyumba yithu nja makuni gha sidara, Mapaso ghithu ni makuni gha junipa.

Mazgu Ghamusi

Panji kuti, “Sumu yapachanya.”
Mazgu gheneko, “Uniguze.”
Panji kuti, “tidumbe vya.”
Ndiko kuti, ŵamwali.
Panji kuti, “umoyo wane ukutemwa.”
Panji kuti, “chidiko cha chitengero.”
Mazgu gheneko, “Sipikenadi.”
Panji kuti, “wakuwoneka makora.”