Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Mika 6:1-16

IVYO VILI MU BUKU ILI

  • Chiuta wakususka Israyeli (1-5)

  • Kasi Yehova wakukhumbachi? (6-8)

    • Urunji, kugomezgeka, kujiyuyura (8)

  • Mulandu wa Israyeli na chilango chake (9-16)

6  Pulikani ivyo Yehova wakuyowoya. Wukani, yowoyani mulandu winu panthazi pa mapiri, Kuti tumapiri tupulike mazgu ghinu.+   Imwe mapiri, pulikani mulandu wa Yehova, Imwe malufura ghakukhora* gha charu chapasi,+ Pakuti Yehova wali nawo na mulandu ŵanthu ŵake; Iyo wakususkana na Israyeli,+ wakuti:   “Mwaŵanthu ŵane, kasi nachita vichi kwa imwe? Kasi namuvuskani wuli?+ Nipanikizgirani.   Chifukwa nkhakwera namwe kufuma mu charu cha Eguputo,+ Nkhamuwomborani ku nyumba ya wuzga;+ Nkhatuma Mozesi, Aroni, na Miriyamu panthazi pinu.+   Mwaŵanthu ŵane, chonde kumbukani ivyo wakasachizga Balaki themba la Mowabu,+ Na ivyo Balamu mwana wa Beyori wakamuzgora+ Ivyo vikachitika kufuma ku Shitimu+ m’paka ku Giligala+ Mwakuti mumanye milimo yaurunji ya Yehova.”   Kasi nize na vichi pamaso pa Yehova? Kasi namusindama na vichi pamaso pa Chiuta wakuchanya? Kasi nize na sembe zakotcha zamsuma pamaso pake, Na matholi* gha chaka chimoza?+   Kasi Yehova wamukondwa na vikwi vya mberere zanalume, Na vikwi vikwi vya tumilonga twa mafuta?+ Kasi nipeleke mwana wane wakwamba chifukwa cha kugaluka kwane, Chipambi cha thupi lane chifukwa cha kwananga kwane?+   Iwe wamunthu, wakakuphalira icho ntchiwemi. Kasi Yehova wakukhumbachi kwa iwe? Wakukhumba kuchita urunji+ pera na kuŵa wakugomezgeka,*+ Na kwenda mwakujiyuyura+ na Chiuta wako!+   Lizgu la Yehova likuchemerezga ku msumba; Awo ŵali na vinjeru vyenecho ŵazamuliwopa zina linu. Tegherezgani ku ndodo na kwa uyo wakayiyimika.+ 10  Kasi mu nyumba ya ŵaheni muchali usambazi uheni Na chakupimira chambura kukwana cha efa* icho mbukazuzi? 11  Kasi ningaŵa wakutowa* na sikelo ziheni, Na thumba la malibwe ghakupimira ghaupusikizgi?+ 12  Pakuti ŵanthu ŵake ŵasambazi ŵazura na nkhaza, Ndipo ŵakukhalamo ŵake ŵakuyowoya mautesi;+ Lulimi lwawo ndwaupusikizgi mu mulomo wawo.+ 13  “Ntheura nimutimbaninge m’paka nimupwetekani,+ Kumuzgorani mayiyi chifukwa cha zakwananga zinu. 14  Muzamurya, kweni muzamukhuta chara; Mu nthumbo mwinu muzamuŵavya kanthu.+ Ivyo mukutora kuti musunge, muzamuvivikilira chara, Ndipo ivyo mukuyegha, nizamuvipeleka ku lupanga. 15  Muzamuseŵa mbuto, kweni muzamuvuna chara. Muzamuponda maolive, kweni mafuta muzamughagwiliskira ntchito chara; Muzamupanga vinyo liphya, kweni vinyo muzamumwa chara.+ 16  Pakuti mukusunga malango gha Omuri na kuchita milimo yose ya nyumba ya Ahabu,+ Ndipo mukwenda kuyana na ulongozgi wawo. Lekani nizamumuzgorani chinthu icho ŵanthu ŵamuzukuma nacho, Ŵakukhalamo ŵake ŵazamuŵa chinthu icho ŵanthu ŵazamulizgirapo kaluvi,+ Ndipo ŵamitundu ŵazamumugoskani.”+

Mazgu Ghamusi

Mazgu ghanyake, “fawundeshoni yakukhora.”
Mazgu ghanyake, “ngwata; lilama.”
Panji kuti, “kuŵa walusungu na wakugomezgeka mu kutemwa kwako.”
Panji kuti, “wambura mulandu.”