Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Mika 5:1-15

IVYO VILI MU BUKU ILI

  • Muwusi uyo wazamuŵa mukuru mu charu chose (1-6)

    • Muwusi wazamufuma mu Betelehemu (2)

  • Ŵakukhalapo ŵazamuŵa nga ni jumi kweniso nga ni nkhalamu (7-9)

  • Charu chizamutozgeka (10-15)

5  “Wamwana msungwana iwe wawukilika, Sono ukujicheka wekha, Ŵatizingilizga kuti ŵatiwukire.+ Mweruzgi wa Israyeli ŵakumutimba na ndodo pa thama.+   Ndipo iwe, Betelehemu Efurata,+ Iwe uli muchoko chomene pakati pa mafuko* gha Yuda, Mwa iwe muzamufuma uyo wazamuŵa muwusi wa Israyeli, uyo wazamuchita khumbo lane,+ Uyo wakaŵako kufuma papo kale, mu mazuŵa ghakale chomene.   Ntheura wazamuŵapeleka M’paka nyengo yikwane yakuti mwanakazi uyo wakubaba wababe. Ndipo ŵabali ŵake ŵanyake ŵazamuwelera ku ŵanthu ŵa Israyeli.   Iyo wazamwimilira na kuliska mskambo mu nkhongono za Yehova,+ Mu mazaza gha zina la Yehova Chiuta wake. Ndipo ŵazamukhala mwamtende,+ Chifukwa ukuru wake uzamufika ku vigoti vya charu chapasi.+   Iyo wazamwiza na mtende.+ Para Musiriya wawukira charu chithu na kudyaka pa vigongwe vithu vyakukhora,+ Tizamuwuska ŵaliska 7, enya, ŵakaronga 8 ŵa ŵanthu kuti ŵamuwukire.   Ŵazamuliska charu cha Asiriya na lupanga,+ Ndiposo charu cha Nimurodi+ mu malo ghake ghakunjilira. Ndipo iyo wazamutithaska kwa Muasiriya,+ Para wakuwukira charu chithu na kudyaka* pa chigaŵa chithu.   Ŵakukhalapo ŵa Yakhobe ŵazamuŵa mukati mu mitundu yinandi ya ŵanthu, Nga ni jumi lakufuma kwa Yehova, Nga ni vula yamswera pa vyakumera, Iyo njambura kupeleka chigomezgo ku munthu Panji kulindizga ŵana ŵa ŵanthu.   Ŵakukhalapo ŵa Yakhobe ŵazamuŵa pakati pa mitundu, Mukati mu ŵanthu ŵanandi, Nga ni nkhalamu pakati pa vikoko vya mu nkhorongo, Nga ni nkhalamu yiwukirano pakati pa mskambo wa mberere, Iyo pakusolota yikukora na kutwazura tuchokotuchoko, Ndipo kulije na yumoza uyo wakuzithaska.   Woko lako lizamukwezgekera pachanya pa ŵalwani ŵako, Ndipo ŵalwani ŵako wose ŵazamuparanyika.” 10  Yehova wakuti: “Mu zuŵa ilo, Nizamumarana na mahachi ghako agho ghali pakati pako ndipo nizamuparanya magileta ghako. 11  Nizamuparanya misumba ya charu chako Na kuwiskira pasi malo ghako ghose gha malinga ghakukhora. 12  Nizamumazga ufwiti uwo ukuchita, Ndipo pakati pako pazamukhalaso munthu wakuchita masalamusi chara.+ 13  Nizamuparanya vikozgo vyako vyakuŵaja na ntchindamiro zako izo zili pakati pako, Ndipo uzamusindamiraso mulimo wa mawoko ghako chara.+ 14  Nizamuzgura vimakuni vyako vyakupatulika*+ ivyo vili pakati pako Na kuparanya misumba yako. 15  Mitundu iyo yikupulikira chara Nizamuyiwezgera nduzga mwaukali ndiposo mwakutukutwa.”

Mazgu Ghamusi

Panji kuti, “vikwi vya.”
Mazgu ghanyake, “kukanda.”