Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Mika 3:1-12

IVYO VILI MU BUKU ILI

  • Kususka ŵalongozgi na ntchimi (1-12)

    • Mzimu wa Yehova wamupa nkhongono Mika (8)

    • Ŵasembe ŵakusambizgira malipiro (11)

    • Yerusalemu wazamuzgoka mahami (12)

3  Ine nkhati: “Nkhuŵeya, pulikani, imwe ŵalongozgi ŵa nyumba ya YakhobeNa imwe mukuwusa nyumba ya Israyeli.+ Asi ndimwe mukwenera kumanya urunji?   Kweni mukutinkha chiwemi+ na kutemwa chiheni,+Mukufyopora* chikumba ku ŵanthu ŵane, na kutwazura nyama ku viwangwa vyawo.+   Mukuryaso nyama ya ŵanthu ŵane,+Na kufuŵa chikumba chawo,Mukuphwanya viwangwa vyawo, na kuviteketa tuchokotuchoko,+Nga ntchinthu icho chaphikika mu m’phika, nga ni nyama iyo yili mu m’phika.   Pa nyengo iyo, ŵazamuchema Yehova kuti waŵawovwire,Kweni wazamuŵazgora chara. Pa nyengo iyo, wazamubisa chisko chake kwa iwo,+Chifukwa cha milimo yawo yiheni.+   Ichi ndicho Yehova wayowoya kususkana na zintchimi izo zikupuluska ŵanthu ŵane,+Izo zikupharazga ‘Mtende!’+ uku zikuluma* na mino ghawo,+Izo zikupharazga* nkhondo kwimika na munthu uyo wakuŵikamo kanthu chara mu milomo yawo. Iyo wakuti:   ‘Usiku muzamuŵa nawo,+ kweni kuzamuŵavya mboniwoni,+Kuzamuŵa waka mdima kwa imwe, kwambura kuloska. Dazi lizamunjilira zintchimi,Ndipo zuŵa lizamuzgoka mdima kwa iwo.+   Awo ŵakuwona mboniwoni ŵazamukhozgeka soni,+Ndipo awo ŵakuloska ŵazamukhuŵara. Wose ŵazamubenekelera mwembe wapamphuno,Pakuti Chiuta wakuŵazgora chara.’”   Kweni ine, mzimu wa Yehova wanizuzga na nkhongono,Ndiposo wanizuzga na urunji na mazaza,Kuti niphalire Yakhobe kugaluka kwake, na kuphalira Israyeli kwananga kwake.   Naŵeya, pulikani ichi, imwe ŵalongozgi ŵa nyumba ya YakhobeNa imwe mukuwusa nyumba ya Israyeli,+Imwe mukunyanyara urunji na kubendezga chilichose icho ntchakunyoloka,+ 10  Imwe mukuzenga Ziyoni na milimo yakuthiska ndopa ndipo mukuzenga Yerusalemu na milimo yaubendezi.+ 11  Ŵalongozgi ŵake ŵakweruzgira vimbundi,+Ŵasembe* ŵake ŵakusambizgira malipiro,+Ntchimi zake zikuloskera ndalama.*+ Kweni ŵakuyegamira kwa Yehova,* ndipo ŵakuti: “Asi Yehova wali nase?+ Palije soka ilo lizenge pa ise.”+ 12  Ntheura, chifukwa cha imwe,Ziyoni wazamulimika nga ni munda,Yerusalemu wazamuzgoka vibumira vya mahami,+Ndipo phiri la Nyumba* lizamuŵa nga ni malo ghakutumphuka gha mu nkhorongo.+

Mazgu Ghamusi

Mazgu ghanyake, “Mukupapawura.”
Pangayowoyekaso kuti, “uku zili na chinthu chakuti zisumbe.”
Mazgu gheneko, “zikutuŵiska.”
Mazgu ghanyake, “Ŵasofi.”
Panji kuti, “siliva.”
Panji kuti, “ŵakuti ŵakuyegamira kwa Yehova.”
Panji kuti, “phiri la tempile.”