Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Mika 2:1-13

IVYO VILI MU BUKU ILI

  • Soka kwa awo ŵakukandilizga ŵanyawo (1-11)

  • Israyeli wawunjikikaso pamoza (12, 13)

    • Mu charu muzamuŵa vyongo vya ŵanthu (12)

2  “Soka kwa awo ŵakwata chiŵembu, Awo ŵakughanaghana viheni pa mabedi ghawo! Para ungweru wa mulenji wiza ŵakuchita ivyo ŵaghanaghananga, Pakuti ŵali na nkhongono zakuvichitira.+   Ŵakudokera minda na kuyipoka;+ Kweniso ŵakudokera nyumba ndipo ŵakuzitora; Ŵakulyera munthu na nyumba yake,+ Ndipo ŵakulyera munthu chiharo chake.   Ntheura ichi ndicho Yehova wayowoya: ‘Wonani, mbumba iyi nkhuyinozgera soka+ ndipo muzamupona chara ku soka ilo.*+ Muzamwendaso mwakujikuzga chara,+ pakuti ni nyengo ya soka.+   Mu zuŵa ilo, ŵanthu ŵazamumuyowoyerani ntharika, Ndipo ŵazamumutengelerani chomene.+ Ŵazamuti: “Taparanyika tetete!+ Chigaŵa cha ŵanthu ŵane wakachipeleka mu mawoko gha ŵanji, wachifumiskako kwa ine.+ Wapeleka minda yithu ku ŵanthu ŵambura kugomezgeka.”   Ntheura muzamuŵavya munthu wakuti wanyoloske chingwe chakupimira, Kuti wagaŵe charu mu mpingo wa Yehova.   Ŵakupharazga kuti: “Lekani kupharazga! Ŵangapharazganga vinthu ivi chara; Soni zitikorenge chara!”   Imwe nyumba ya Yakhobe, asi kukuyowoyeka kuti: “Kasi mzimu wa Yehova waleka kuzikira? Kasi iyi ni milimo yake?” Kasi mazgu ghane ghakuŵachitira chiwemi yayi awo ŵakwenda mwakunyoloka?   Kweni sonosono apa ŵanthu ŵane ŵawuka nga ni mulwani. Mukuvulira pakweru vitoweskero vyakuzirwa lumoza na malaya Gha awo ŵakujumpha mwambura wofi, nga ni awo ŵakuwera ku nkhondo.   Ŵanakazi ŵa ŵanthu ŵane mukuŵachimbizga mu nyumba zawo zakukondweska, Ku ŵana ŵawo mukuwuskako uchindami wane muyirayira. 10  Nyamukani na kuluta, pakuti agha ni malo ghakupumulirapo chara. Chifukwa cha ukazuzi,+ kuli pharanyiko, pharanyiko lakofya.+ 11  Usange munthu wakulondezga mphepo na upusikizgi na kuteta utesi wakuti: “Nimupharazgiraninge vya vinyo na chakumwa chakuloŵezga,” Mbwenu waŵenge waka mupharazgi wa ŵanthu aŵa!+ 12  Imwe ŵana ŵa Yakhobe, nizamumuwunjikani mose. Ŵakukhalapo wose ŵa Israyeli nizamuŵawunjika nadi.+ Nizamuŵaŵika pamoza nga ni mberere mu chiŵaya, Nga ni mskambo pa utheka wake wakubiliŵira.+ Kuzamuŵa vyongo vya ŵanthu.’+ 13  Uyo wakuswa linga wazamuŵadangilira. Ŵazamuswa na kujumpha pa chipata. Ŵazamufumira apo ŵaswa.+ Themba lawo lizamujumpha panthazi pawo, Yehova wazamuŵadangilira.”+

Mazgu Ghamusi

Mazgu gheneko, “muzamuwuskako chara singo zinu.”