Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Mika 1:1-16

IVYO VILI MU BUKU ILI

  • Cheruzgo pa Samariya na Yuda (1-16)

    • Masuzgo chifukwa cha kwananga na kugaluka (5)

1  Mazgu gha Yehova agho ghakiza kwa Mika*+ wa ku Moresheti, mu mazuŵa gha Yotamu,+ Ahazi,+ na Hezekiya,+ mathemba gha Yuda.+ Mazgu agha wakaghapokera mu mboniwoni yakukhwaskana na Samariya na Yerusalemu:   “Pulikani, imwe mwaŵanthu mose! Tegherezga, iwe charu na vyose ivyo vili mwa iwe, Fumu Yikuru Yehova yiŵe kaboni wakususka imwe,+ Yehova uyo wali mu tempile lake lituŵa.   Wonani! Yehova wakufuma mu malo ghake, Wakhirenge na kudyaka mu malo ghapachanya gha charu chapasi.   Mapiri ghamusongonoka pasi pake,+ Madambo ghamusweka pakati, Nga ni phura pafupi na moto, Nga ni maji agho ghathilika pa chigodobu.   Vyose ivi ntchifukwa cha kugaluka kwa Yakhobe, Chifukwa cha zakwananga za nyumba ya Israyeli.+ Kasi kugaluka kwa Yakhobe ni vichi? Asi ni Samariya?+ Kasi malo ghapachanya gha Yuda ni vichi?+ Asi ni Yerusalemu?   Nizamuzgora Samariya kuŵa vibumira vya mahami* ghamuthondo, Kuŵa malo ghakupandapo mpheska, Malibwe ghake ghose nizamughataya mu dambo, Na kufukura fawundeshoni yake.*   Vikozgo vyake vyose vyakuŵaja vizamuteketeka tuchokotuchoko,+ Ndipo vyawanangwa vyose ivyo wakajilipiranga vizamotcheka na moto,+ Nizamubwangandura ŵangoza ŵake wose. Chifukwa wakaŵapoka nga ni malipiro ghauhule, Ndipo ŵazamuŵaso malipiro gha mahule.”   Pa chifukwa ichi, nizamulira na kutengera,+ Nizamwenda nkhule ndiposo kwambura skapato.+ Nizamulira nga mbakambwe, Na kutengera nga ni nthiŵatiŵa.   Chifukwa chilonda chake ntchambura kupozgeka,+ Chafika m’paka ku Yuda.+ Muliri wathandazgika m’paka ku chipata cha ŵanthu ŵane, ku Yerusalemu.+ 10  “Ichi mungachipharazganga yayi mu Gati, Mungaliranga na pachoko wuwo chara. Mu Bete-afura* mujikunkhuzge mu fuvu. 11  Imwe mukukhala mu Shafiri, mwambuke nkhule na kukhozgeka soni. Awo ŵakukhala mu Zanani, ŵandafume. Muzamuŵa chitengero mu Beti-ezeli, ndipo wazamuleka kukovwira. 12  Awo ŵakukhala mu Maroti ŵalindilira chiwemi, Kweni chiheni chakhira kufuma kwa Yehova kwiza ku chipata cha Yerusalemu. 13  Imwe mukukhala mu Lakishi,+ kakilirani luŵiro gileta ku gulu la mahachi. Ndimwe mukaŵa ŵakwamba kulongozgera mwana msungwana wa Ziyoni ku kwananga, Pakuti kugaluka kwa Israyeli kukasangika mwa imwe.+ 14  Ntheura pakulayirana mwamupeleka vyawanangwa kwa Moresheti-gati. Nyumba za Akizibu+ zikaŵa zakupusikira mathemba gha Israyeli. 15  Imwe mukukhala mu Maresha,+ nimwiziraninge na uyo wamuthereskaninge.+ Uchindami wa Israyeli wizenge m’paka ku Adulamu.+ 16  Mujimete chipara na kumeta sisi linu chifukwa cha ŵana ŵinu ŵakutemweka. Mujimete chipara nga ni nombo, Pakuti ŵatolekako kwa imwe na kuluta ku wuzga.”+

Mazgu Ghamusi

Mika nkhudumura kwa zina lakuti Mikayeli, ndipo likung’anamura kuti, “Ni Njani Wali Nga Ni Yehova?”
Mazgu ghanyake, “viworya.”
Mazgu ghanyake, “lufura lwake.”
Panji kuti, “Mu nyumba ya Afura.”