Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 99:1-9

IVYO VILI MU BUKU ILI

  • Yehova ni Themba lituŵa

    • Wakhala pa chitengo pachanya pa ŵakerubi (1)

    • Chiuta uyo wakugowoka na kulanga (8)

99  Yehova waŵa Themba.+ Ŵanthu ŵatentheme. Wakukhala pachanya* pa ŵakerubi.+ Charu chapasi chisunkhunyike.   Yehova ni mukuru mu Ziyoni,Wali pachanya pa ŵanthu wose.+   Ŵanthu ŵalumbe zina linu likuru,+Pakuti ndituŵa na lakofya.   Iyo ni themba lankhongono ilo likutemwa urunji.+ Muli kukhozga icho ntchakunyoloka. Mwiza na weruzgi wakunyoloka kweniso urunji+ mwa Yakhobe.   Kwezgani Yehova Chiuta+ withu na kusindama* pa chakukandapo malundi ghake.+Iyo ni mutuŵa.+   Mozesi na Aroni ŵakaŵa ŵamoza ŵa ŵasembe* ŵake,+Samuyeli wakaŵa yumoza wa awo ŵakachemanga pa zina lake.+ Ŵakachemanga Yehova,Ndipo wakaŵazgoranga.+   Wakayowoyanga nawo kufuma mu mzati wa bingu.+ Ŵakasunga vikumbusko vyake na dango ilo wakaŵapa.+   A Yehova Chiuta withu, mukaŵazgora.+ Ndimwe Chiuta uyo wakaŵagowokera,+Kweni mukaŵalanga* chifukwa cha milimo yawo yiheni.+   Kwezgani Yehova Chiuta withu+Sindamani* panthazi pa phiri lake lakupatulika.+Pakuti Yehova Chiuta withu ni mutuŵa.+

Mazgu Ghamusi

Pangayowoyekaso kuti, “pakati.”
Panji kuti, “kusopa.”
Mazgu ghanyake, “ŵasofi.”
Mazgu gheneko, “mukawezgera nduzga.”
Panji kuti, “Sopani.”