Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 95:1-11

IVYO VILI MU BUKU ILI

  • Kusopa kwaunenesko na kupulikira

    • “Muhanya uno, para mwapulika lizgu lake” (7)

    • “Munganonopeskanga mtima winu yayi” (8)

    • “Ŵanjirenge chara mu chipumulo chane” (11)

95  Zaninge, tiyeni tiyimbire Yehova mwachimwemwe. Tiyeni tichemerezge mwakukondwa ku Jalawe lithu la chiponosko.+   Tiyeni tize na viwongo pamaso pake.+ Timwimbire na kuchemerezga mwakukondwa.   Pakuti Yehova ni Chiuta mukuru, Themba likuru kuluska ŵachiuta ŵanyake wose.+   Ndimba za charu chapasi zili mu woko lake. Mitununtha ya pa mapiri njake.+   Nyanja, iyo wali kuyipanga, nayo njake,+ Ndipo mawoko ghake ghali kupanga mtunda wakomira.+   Zaninge, tisindame na kusopa. Tiyeni tijikame panthazi pa Yehova, Mlengi withu.+   Pakuti iyo ni Chiuta withu, Ise tili ŵanthu ŵa mu mskambo wake, Mberere mu woko lake.+ Muhanya uno, para mwapulika lizgu lake,+   Munganonopeskanga mtima winu yayi nga mpha Meriba,*+ Nga mpha zuŵa la Masa* mu mapopa,+   Apo ŵasekuru ŵinu ŵakaniyezga.+ Ŵakanisuska, nangauli ŵakawona milimo yane.+ 10  Vyaka 40 nkhaseluka nawo muwiro wura, ndipo nkhati: “Mbanthu awo nyengo zose ŵakupuluka mu mitima yawo, Ŵakumanya yayi nthowa zane.” 11  Ntheura nkhakalipa na kulapa kuti: “Ŵanjirenge chara mu chipumulo chane.”+

Mazgu Ghamusi

Kung’anamura kuti, “Kulimbana.”
Kung’anamura kuti, “Kuyezga; Chiyezgo.”