Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 91:1-16

IVYO VILI MU BUKU ILI

  • Kusanga chivikiliro mu malo ghakubisika gha Chiuta

    • Kuthaskika ku chipingo cha muthyezi (3)

    • Kubisama mu mapapindo gha Chiuta (4)

    • Kupona nanga ŵanthu 1,000 ŵakuwa (7)

    • Ŵangelo ŵakutumika kuti ŵavikilire (11)

91  Uyo wakukhala mu chakubisamamo cha Wapachanya Nkhanira+ Wajoŵenge mu mfwiri wa Wankhongonozose.+   Kwa Yehova nitenge: “Ndimwe chiphokwero chane na linga lane lakukhora,+ Chiuta wane, uyo nkhugomezga.”+   Pakuti wanithaskenge ku chipingo cha muthyezi,* Na ku nthenda iyo yikumara ŵanthu.   Wakubenekelerenge na mapapindo ghake, Ubisamenge ku mapapindo ghake.+ Kugomezgeka+ kwake kuŵenge nga ntchiskango chikuru+ na chiliŵa chakukhora.   Uwopenge chara kofya kwa usiku,+ Panji muvi uwo ukuwuluka muhanya,+   Panji nthenda iyo yikuŵenda mu chisi, Nesi pharanyiko ilo likusakaza muhanya pakati.   Ŵanthu 1,000 ŵawenge pafupi nawe, Ŵanthu 10,000 ku woko lako lamalyero, Kweni chiheni chizenge pafupi nawe chara.+   Uchilaŵiskenge waka na maso ghako Apo ukuwona chilango cha ŵaheni.   Chifukwa ukati: “Yehova ntchiphokwero chane,” Wapachanya Nkhanira wamutora kuŵa malo ghako ghakukhalamo.*+ 10  Soka likuwirenge chara,+ Ndipo palije suzgo yakofya iyo yizenge pafupi na hema lako. 11  Pakuti watumenge ŵangelo+ ŵake kwa iwe, Kuti ŵakuvikilire mu nthowa zako zose.+ 12  Ŵakunyamurenge mu mawoko ghawo,+ Mwakuti uleke kutimbiska lundi lako pa libwe.+ 13  Ukandenge pa kankhalamu na njoka ya nyachikho. Ufyadulirenge pasi kankhalamu kamawenjelere* na njoka yikuru.+ 14  Chiuta wakati: “Chifukwa chakuti wakunitemwa,* nimuthaskenge.+ Nimuvikilirenge chifukwa wakumanya zina lane.+ 15  Wanichemenge, ndipo nimuzgorenge.+ Niŵenge nayo mu suzgo.+ Nimuthaskenge na kumuchindika. 16  Nimukhorweskenge na umoyo utali,+ Nimulongorenge chiponosko chane.”+

Mazgu Ghamusi

“Muthyezi,” ni munthu wakuthya tuyuni.
Panji kuti, “kuŵa chiphokwero chako.”
Mazgu ghanyake, “masapalara; masako; masapa.”
Mazgu gheneko, “wajibatika kwa ine.”