Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 88:1-18

IVYO VILI MU BUKU ILI

  • Lurombo lwakuti waleke kufwa

    • “Umoyo wane uli pafupi kukhilira ku Dindi” (3)

    • ‘Mulenji uliwose nkhulomba kwa imwe’ (13)

Sumu ya ŵana ŵa Kora.+ Kwa wakulongozga sumu. Yichunikire pa Mahalati* ndipo yimbike mwakusinthasintha. Masikilu* ya Hemani+ Muezira. 88  A Yehova, Chiuta wa chiponosko chane,+ Muhanya nkhulira, Ndipo usiku nkhwiza pamaso pinu.+   Lurombo lwane lufike kwa imwe,+ Thyani khutu linu na kupulika apo nkhulira kuti munovwire.+   Mzimu wane wazura na soka,+ Ndipo umoyo wane uli pafupi kukhilira ku Dindi.*+   Namba kale kupendekera pamoza na awo ŵakukhilira ku khululu.*+ Ndine munthu wakusokwa,*+   Wakutayika pakati pa ŵakufwa, Nga ngwakukomeka uyo wagona mu dindi, Uyo mukumukumbukaso yayi Na uyo wali kufumiskikamo mu woko linu.   Mwaniŵika mu mbuna yakuzongoka, Mu malo gha mdima, mu chizongwe chikuru.   Ukali winu waninyekezga,+ Ndipo mukuniwundira na majigha ghinu ghakuŵiruka. (Selah)   Mwachimbizgira kutali ŵanyane.+ Mwanizgora chinthu chakuseluska kwa iwo. Nakoleka ndipo nkhutondeka kufumapo.   Jiso lane lafinyinkhilira chifukwa cha suzgo yane.+ Zuŵa lose nkhuchema kwa imwe, A Yehova.+ Nkhunyoloskera mawoko ghane kwa imwe. 10  Kasi muŵachitirenge vyakuzizwiska ŵakufwa? Kasi awo ŵagona mu nyifwa ŵangawuka na kumulumbani?+ (Selah) 11  Kasi lusungu* lwinu lupharazgikenge mu dindi, Kugomezgeka kwinu mu malo gha pharanyiko?* 12  Kasi vyakuzizwiska vinu vimanyikwenge mu mdima, Panji urunji winu mu charu chakuluwika?+ 13  Kweni nichali kulilira kwa imwe kupempha wovwiri, A Yehova,+ Mulenji uliwose lurombo lwane lukwiza pamaso pinu.+ 14  Chifukwa wuli mukunikana, A Yehova?+ Chifukwa wuli mukubisa chisko chinu kwa ine?+ 15  Kufuma pa uwukirano wane, Nasuzgika ndipo nakhala pachoko kumalizgika.+ Nazililika chifukwa cha vinthu vyakofya ivyo mwazomerezga kuti viniwire. 16  Ukali winu wakugolera wanigulura nkhongono.+ Vinthu vinu vyakofya vyaniparanya. 17  Zuŵa lose vikunizingilizga nga ni maji. Vikuniwungilira kufuma kosekose. 18  Mwachimbizgira kutali ŵabwezi ŵane na ŵanyane.+ Mdima ndiwo wazgoka munyane.

Mazgu Ghamusi

Panji kuti, “Sheole,” ndiko kuti, malaro. Wonani Mang’anamuro gha Mazgu.
Panji kuti, “dindi.”
Panji kuti, “wambura nkhongono.”
Panji kuti, “chitemwa chakugomezgeka.”
Panji kuti, “mu Abadoni.”