Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 86:1-17

IVYO VILI MU BUKU ILI

  • Kulije chiuta nga ni Yehova

    • Yehova ngwakunozgeka kugowokera (5)

    • Mitundu yose yisopenge Yehova (9)

    • “Nisambizgani nthowa yinu” (11)

    • “Lungani mtima wane” (11)

Lurombo lwa Davide. 86  A Yehova, thyani khutu linu na kunizgora, Pakuti nili wakusuzgika na mukavu.+   Sungilirani umoyo wane, pakuti ndine wakugomezgeka.+ Ponoskani muteŵeti winu uyo wakuthemba imwe, Pakuti ndimwe Chiuta wane.+   Nilongorani lusungu, A Yehova,+ Pakuti nkhumuchemani zuŵa lose.+   Kondweskani muteŵeti winu, Pakuti nkhuzgokera kwa imwe, A Yehova.   Chifukwa imwe, A Yehova, ndimwe muwemi,+ wakunozgeka kugowokera,+ Ndimwe wakuzura na lusungu* ku wose awo ŵakuchema pa imwe.+   A Yehova, pulikani lurombo lwane. Tegherezgani apo nkhuŵeya kuti munovwire.+   Pa zuŵa la suzgo yane, nkhumuchemani,+ Pakuti munizgorenge.+   A Yehova, palije wakuyana na imwe pakati pa ŵachiuta,+ Kulije milimo iyo yikuyana na yinu.+   Mitundu yose iyo muli kupanga Yizenge na kusindama pamaso pinu, A Yehova,+ Ndipo yipelekenge uchindami ku zina linu.+ 10  Chifukwa ndimwe mukuru ndipo mukuchita vinthu vyakuzizwiska.+ Imwe pera, ndimwe Chiuta.+ 11  Nisambizgani nthowa yinu, A Yehova.+ Nendenge mu unenesko winu.+ Lungani mtima* wane kuti wopenge zina linu.+ 12  Nkhumulumbani, A Yehova Chiuta wane, na mtima wane wose,+ Ndipo nipelekenge uchindami ku zina linu muyirayira, 13  Pakuti lusungu* lwinu kwa ine ndukuru, Mwaponoska umoyo wane mu Dindi* la nyang’anyang’a.+ 14  A Chiuta, ŵanthu ŵakujiŵikamo ŵakuniwukira.+ Genge la ŵanthu ŵankhaza likupenja umoyo wane, Ndipo ŵakumuchindikani yayi.*+ 15  Kweni imwe, A Yehova, ndimwe Chiuta walusungu na wachiwuravi, Mukukalipa luŵiro chara, ndimwe wakuzara na chitemwa na kugomezgeka.*+ 16  Zgokerani kwa ine, munilongore lusungu.+ Mupani nkhongono zinu muteŵeti winu,+ Na kuponoska mwana wa muzgakazi winu. 17  Nilongorani chimanyikwiro* cha uwemi winu, Mwakuti awo ŵakunitinkha ŵachiwone na kukhozgeka soni. Pakuti imwe, A Yehova, ndimwe movwiri na musanguluski wane.

Mazgu Ghamusi

Panji kuti, “chitemwa chakugomezgeka.”
Panji kuti, “Nipani mtima wambura kugaŵikana.”
Panji kuti, “chitemwa chakugomezgeka.”
Panji kuti, “Sheole,” ndiko kuti, malaro. Wonani Mang’anamuro gha Mazgu.
Panji kuti, “ŵandamuŵikani imwe pamaso pawo.”
Panji kuti, “na unenesko.”
Panji kuti, “ukaboni wa.”