Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 85:1-13

IVYO VILI MU BUKU ILI

  • Ŵakulomba kuti ŵawezgekere pakale

    • Chiuta wakuyowoya vya mtende ku ŵakugomezgeka (8)

    • Lusungu na kugomezgeka vikumanenge (10)

Kwa wakulongozga sumu. Salimo la ŵana ŵa Kora.+ Sumu. 85  A Yehova, mwalongora lusungu ku charu chinu.+ Muli kuwezga ŵakukoleka wuzga ŵa Yakhobe.+   Mwagowokera mphuvya za ŵanthu ŵinu. Muli kubenekelera* kwananga kwawo kose.+ (Selah)   Mukawezgako kutukutwa kwinu kose. Mukazgokako ku ukali winu wakugolera.+   Tiwezgerani pakale,* A Chiuta wa chiponosko chithu, Sezganiko ukali winu kwa ise.+   Kasi mutikalipirenge m’paka muyirayira?+ Kasi mulutizgenge ukali winu ku muwiro na muwiro?   Kasi mutisisipuskengeso yayi, Mwakuti ŵanthu ŵinu ŵasekelere mwa imwe?+   A Yehova, tilongorani lusungu* lwinu,+ Mutipe chiponosko chinu.   Nipulikenge ivyo Yehova Chiuta waunenesko wakuyowoya, Pakuti wayowoyenge vya mtende ku ŵanthu ŵake,+ ku ŵakugomezgeka ŵake, Kweni ŵaleke kwambaso kujithemba.+   Nadi, chiponosko chake chili pafupi na awo ŵakumopa,+ Mwakuti uchindami wake ukhale mu charu chithu. 10  Lusungu* na kugomezgeka vikumanenge, Urunji na mtende vifyofyonthanenge.+ 11  Kugomezgeka kuphukenge pa charu chapasi, Ndipo urunji ulaŵiskenge pasi kufuma kuchanya.+ 12  Enya, Yehova wapelekenge icho ntchiwemi,+ Ndipo charu chithu chipasenge vipasi vyake.+ 13  Urunji wendenge panthazi pake,+ Na kunozgera nthowa malundi ghake.

Mazgu Ghamusi

Panji kuti, “kugowokera.”
Panji kuti, “Tiwunganyaniso.”
Panji kuti, “chitemwa chakugomezgeka.”
Panji kuti, “Chitemwa chakugomezgeka.”