Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 80:1-19

IVYO VILI MU BUKU ILI

  • Ŵaisrayeli ŵakupenja Muliska wawo kuti waŵawezgere pakale

    • “A Chiuta, tiwezgerani pakale” (3)

    • Israyeli ni mpheska ya Chiuta (8-15)

Kwa wakulongozga sumu. Yichunikire pa “Maluŵa.” Chikumbusko. Salimo la Asafu.+ Sumu. 80  Pulikani, mwe Muliska wa Israyeli, Imwe mukulongozga Yosefe nga ni mskambo.+ Mwaŵeneimwe muli pa chitengo pachanya* pa ŵakerubi,+ Ŵalani.*   Pamaso pa Efurayimu, Benjamini na Manase Vundurani nkhongono zinu,+ Zaninge mutiponoske.+   A Chiuta, tiwezgerani pakale.+ Chisko chinu chiŵale pa ise, kuti tiponoskeke.+   Yehova Chiuta wa mawumba, kasi mukwiyirenge lurombo lwa ŵanthu ŵinu m’paka pawuli?+   Mukuŵaryeska masozi nga ntchingwa, Mukuŵamweska masozi kujumpha chipimo.   Mukuzomerezga ŵazengezgani ŵithu kupindana pa ise, Ŵalwani ŵithu ŵakutigoska umo ŵakhumbira.+   A Chiuta wa mawumba, tiwezgerani pakale. Chisko chinu chiŵale pa ise, kuti tiponoskeke.+   Mukafumiska mpheska+ mu Eguputo. Mukachimbizga ŵamitundu na kupandamo mpheska iyi.+   Mukayisengulira malo, Ndipo yikajintha msisi na kuzuzga charu.+ 10  Mapiri ghakasikizgika na mfwiri wake, Minthavi yake yikasikizga makuni gha sidara gha Chiuta. 11  Minthavi yake yikathaza m’paka ku nyanja, Mphukira zake ku Mlonga.*+ 12  Kasi mwagumulirachi viliŵa vyamalibwe vya munda wa mpheska,+ Mwakuti wose awo ŵakujumpha ŵakuponthora vipasi vyake?+ 13  Munjiri* wa mu nkhorongo ukuyinanga, Vinyama vyamuthengere vikurya.+ 14  A Chiuta wa mawumba, welerani taŵeya. Laŵiskani pasi kufuma kuchanya muwone. Pwelelerani mpheska iyi,+ 15  Chiŵiriŵiri icho woko linu lamalyero lapanda,+ Laŵiskani mwana uyo* mukakhozga.+ 16  Yawotcheka na moto,+ yadumulikira pasi. Ŵakumara chifukwa cha kuchenya kwinu.* 17  Woko linu lifighilire munthu uyo wali ku woko linu lamalyero, Mwana wa munthu uyo mukamukhozga mwekha.+ 18  Penepapo tifumengeko chara kwa imwe. Tisungilirani ŵamoyo, kuti ticheme pa zina linu. 19  A Yehova Chiuta wa mawumba, tiwezgerani pakale. Chisko chinu chiŵale pa ise, kuti tiponoskeke.+

Mazgu Ghamusi

Pangayowoyekaso kuti, “pakati.”
Panji kuti, “Vumburani ungweru winu.”
Ndiko kuti, Yufurate.
“Munjiri,” ntchinyama icho chikukozgana na nguluŵe yamuthondo.
Panji kuti, “munthavi uwo.”
Mazgu gheneko, “kuchenya kwa chisko chinu.”