Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 8:1-9

IVYO VILI MU BUKU ILI

  • Uchindami wa Chiuta na ntchindi za munthu

    • “Zina linu ndikuru kwakuluska!” (1, 9)

    • ‘Kasi munthu ngwakuzirwa wuli?’ (4)

    • Munthu wavwalikika uchindami (5)

Kwa wakulongozga sumu pa Gititi.* Sumu ya Davide. 8  A Yehova Fumu yithu, zina linu ndikuru kwakuluska mu charu chose chapasi, Mwaŵika uchindami winu pachanya nkhanira kuluska mitambo.*+   Mwakhozga nkhongono zinu mu milomo ya ŵana na ŵabonda,+ Chifukwa cha awo ŵakupindikana namwe, Kuti muchetamiske mulwani na wakuwezgera nduzga.   Para nkhulaŵiska machanya ghinu, milimo ya minwe yinu, Mwezi na nyenyezi ivyo mwanozga,+   Kasi munthu ni njani kuti mumukumbuke, Na mwana wa munthu kuti mumupwelelere?+   Muli kumuchefya pachoko ku ŵangelo,* Muli kumuvwalika uchindami na ntchindi.   Muli kumupa mazaza pa milimo ya mawoko ghinu.+ Mwaŵika vyose kusi ku malundi ghake.   Miskambo yose na ng’ombe, Kweniso vinyama vyamuthondo,+   Viyuni vyamudera na somba za mu nyanja, Chose icho chikujumpha mu nthowa za mu nyanja.   A Yehova Fumu yithu, zina linu ndikuru kwakuluska mu charu chose chapasi!

Mazgu Ghamusi

Pangayowoyekaso kuti, “Imwe uchindami winu ukuyowoyeka pachanya pa mtambo.”
Panji kuti, “awo ŵali nga mbachiuta.”