Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 79:1-13

IVYO VILI MU BUKU ILI

  • Wakalomba apo mitundu yikawukira ŵanthu ŵa Chiuta

    • “Tazgoka chinthu chakuchitirika msinjiro” (4)

    • ‘Tovwirani chifukwa cha zina linu’ (9)

    • “Wezgerani ŵazengezgani ŵithu kankhondi na kaŵiri” (12)

Sumu ya Asafu.+ 79  A Chiuta, ŵamitundu ŵanjira mu chiharo chinu.+ Ŵafipiska tempile linu lituŵa.+ Yerusalemu ŵamuzgora mahami.*+   Vitanda vya ŵateŵeti ŵinu ŵavipeleka ku viyuni vyamudera kuŵa chakurya, Ŵapeleka mathupi gha ŵakugomezgeka ŵinu ku vikoko vya charu chapasi.+   Ŵathiska ndopa zawo kuzingilizga Yerusalemu nga ni maji, Palije uyo wakhalako kuti waŵasunge.+   Tazgoka chinthu icho ŵazengezgani ŵithu ŵakuchichitira msinjiro,+ Awo ŵatizingilizga ŵakutigoska na kutihoya.   A Yehova, kasi mukalipenge m’paka pawuli? Muyirayira?+ Kasi ukali winu ugolerenge nga ni moto m’paka pawuli?+   Pungulirani kutukutwa kwinu pa mitundu iyo yikumumanyani chara, Pa maufumu agho ghakuleka kuchema pa zina linu.+   Pakuti ŵamilimitizga Yakhobe, Na kupasura charu chake.+   Mungatipanga mulandu yayi pa ubudi wa ŵasekuru ŵithu.+ Tichitirani lusungu mwaluŵiro,+ Pakuti tabwanthulikira pasi.   Tovwirani, A Chiuta wa chiponosko chithu,+ Chifukwa cha zina linu lauchindami. Tithaskani na kutigowokera* zakwananga zithu chifukwa cha zina linu.+ 10  Kasi mitundu yiyowoyerechi kuti: “Chiuta wawo wali nkhu?”+ Chimanyikwe pamaso pithu ku ŵamitundu Kuti nduzga zawezgeka pa ndopa za ŵateŵeti ŵinu izo zathiskika.+ 11  Pulikani kutampha kwa kayidi.+ Na nkhongono* zinu zikuru muŵasunge* awo ŵapika chilango cha nyifwa.*+ 12  Wezgerani ŵazengezgani ŵithu kankhondi na kaŵiri+ Chifukwa cha misinjiro iyo ŵamuchitirani imwe, A Yehova.+ 13  Penepapo ise, taŵanthu ŵinu na mberere za mu mskambo winu,+ Timuwonganinge muyirayira. Tipharazgenge malumbo ghinu ku muwiro na muwiro.+

Mazgu Ghamusi

Mazgu ghanyake, “viworya.”
Panji kuti, “kubenekelera.”
Mazgu gheneko, “woko linu likuru.”
Pangayowoyekaso kuti, “muŵafwature.”
Mazgu gheneko, “ŵana ŵa nyifwa.”