Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 76:1-12

IVYO VILI MU BUKU ILI

  • Chiuta waluska ŵalwani ŵa Ziyoni

    • Chiuta wakuponoska ŵakuzika (9)

    • Ŵalwani ŵakujikuzga ŵakhizgikenge (12)

Kwa wakulongozga sumu. Yimbike na vyakwimbira vya vingwe. Salimo la Asafu.+ Sumu. 76  Chiuta wakumanyikwa mu Yuda.+ Zina lake ndikuru mu Israyeli.+   Chikhazi chake chili mu Salemu,+ Malo ghake ghakukhalamo ghali mu Ziyoni.+   Kwenekura wakaphyora mivi yakugolera, Chiskango, lupanga, na vilwero vya nkhondo.+ (Selah)   Imwe mukung’azima chomene,* Ndimwe ŵakuru kuluska mapiri agho muli vinyama ivyo vikukora vinyawo.   Ŵamtima wachikanga ŵapokeka vinthu vyawo.+ Ŵagona tulo. Ŵankhondo wose ŵakasoŵa pakukora.+   Pakuchenya kwinu, A Chiuta wa Yakhobe, Uyo wakukwera pa gileta wakugona tulo, hachi nalo likugona.+   Imwe pera ndimwe ŵakofya.+ Ni njani wangima ku ukali winu ukuru?+   Mukayowoya cheruzgo kufuma kuchanya.+ Charu chapasi chikatenthema na kukhala chete+   Apo Chiuta wakawuka na kupeleka cheruzgo, Kuti waponoske ŵakuzika wose ŵa charu chapasi.+ (Selah) 10  Pakuti ukali wa munthu umulumbaninge.+ Mujitozgenge na ukali wawo uwo wakhalako. 11  Lapani vilapo vinu kwa Yehova Chiuta winu na kuvifiska,+ Wose awo ŵakumuzingilizga ŵize na chawanangwa chawo mu wofi.+ 12  Wayuyurenge ŵalongozgi ŵakujinotha. Wakofya mathemba gha charu chapasi.

Mazgu Ghamusi

Panji kuti, “mukuzingilizgika na ungweru.”