Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 75:1-10

IVYO VILI MU BUKU ILI

  • Chiuta wakweruzga mwakunyoloka

    • Ŵaheni ŵamwenge nkhombo ya Yehova (8)

Kwa wakulongozga sumu. Yichunikire pa “Kuparanya Yayi.” Salimo la Asafu.+ Sumu. 75  Tikumuwongani, A Chiuta, tikumuwongani. Zina linu lili pafupi,+ Ŵanthu ŵakupharazga milimo yinu yakuzizwiska.   Mukuti: “Para natema nyengo, Nkhweruzga mwaurunji.   Apo charu chapasi na wose awo ŵakukhalamo ŵakasongonoka, Ndine nkhakhozga mizati yake.” (Selah)   Ku ŵakujithumbwa nkhuti: “Kujithumbwa chara,” Ndipo ku ŵaheni nkhuti: “Mungahayanga nkhongono* zinu chara.   Mungahayanga nkhongono* zinu chara Panji kuyowoya mwamtonyoro.   Pakuti kujikwezga kukufumira Kumafumiro gha dazi chara nesi kumanjiliro gha dazi panji kumwera.   Pakuti Chiuta ni Mweruzgi.+ Wakukhizgira pasi munthu munyake na kukwezga munyake.+   Mu woko la Yehova muli nkhombo,+ Vinyo ndakusazgika makora, likufuma mphovu nyuku! Walipungurenge nadi, Ndipo ŵaheni wose ŵa mu charu chapasi ŵamwengepo, na skayira* wuwo.”+   Kweni ine, nipharazgenge vya ichi muyirayira. Niyimbirenge malumbo Chiuta wa Yakhobe. 10  Chifukwa wakuti: “Nidumurenge nkhongono* zose za ŵaheni, Kweni nkhongono* za murunji zikwezgekenge.”

Mazgu Ghamusi

Mazgu gheneko, “Mungatumphuskanga sengwe linu.”
Mazgu gheneko, “Mungatumphuskanga sengwe linu.”
Mazgu ghanyake, “visika.”
Mazgu gheneko, “masengwe ghose gha.”
Mazgu gheneko, “masengwe gha.”