Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 74:1-23

IVYO VILI MU BUKU ILI

  • Kulomba kuti Chiuta wakumbuke ŵanthu ŵake

    • Kukumbuka milimo yakuponoska ya Chiuta (12-17)

    • “Kumbukani msinjiro wa mulwani” (18)

Masikilu.* Salimo la Asafu.+ 74  A Chiuta, kasi mwatitayirachi kwamuyirayira?+ Ukali winu wagolelerachi* pa mberere za mu mskambo winu?+   Kumbukani ŵanthu* awo mukajitolera kale chomene,+ Fuko ilo mukaliwombora kuŵa chiharo chinu.+ Kumbukani Phiri la Ziyoni, uko mukakhalanga.+   Malundi ghinu ghalazge ku malo agho ghapasuka.+ Mulwani waparanya chilichose mu malo ghakupatulika.+   Ŵalwani ŵinu ŵabangura mu malo ghinu ghakuwunganamo.+ Ŵimika kwenekuko ndembera zawo kuŵa vimanyikwiro.   Ŵali nga mbanthu awo ŵakuwuska mbavi na kutema makuni mu nkhorongo.   Ŵakagumura vyakujoba vyake vyose+ na mbavi kweniso visulo.   Ŵakawotcha malo ghinu ghakupatulika.+ Ŵakakazuzga chihema icho chili na zina linu, kuchiwiskira pasi.   Iwo pamoza na ŵana ŵawo ŵakuti mu mitima yawo: “Malo ghose agho ŵanthu ŵakusoperako Chiuta mu charu ghawotcheke.”   Kulije vimanyikwiro vyakuti tiwone. Kulijeso ntchimi, Palije yumoza wa ise uyo wakumanya apo vyamumalira. 10  A Chiuta, kasi uyo wakupindikana namwe walutilirenge kuchita msinjiro m’paka pawuli?+ Kasi mulwani wayuyurenge zina linu muyirayira?+ 11  Chifukwa wuli mukuwezgako woko linu, woko linu lamalyero?+ Lifumiskani mu chifuŵa chinu na kuŵamara. 12  Kweni Chiuta ni Themba lane kwamba kale, Uyo wakuchita milimo yakuponoska pa charu chapasi.+ 13  Mukavundura nyanja na nkhongono zinu.+ Mukateketa mitu ya vikoko vya mu nyanja. 14  Mukatekenyura mitu ya Leviyatani.* Mukamupeleka kuti waŵe chakurya cha ŵanthu, ku awo ŵakukhala mu vipalamba. 15  Mukapongora visimi na tumilonga,+ Mukawomizga milonga iyo yikwenda maji nyengo zose.+ 16  Muhanya ngwinu, usiku nawo ngwinu. Mukapanga ungweru* na dazi.+ 17  Mukaŵika mphaka za charu chapasi.+ Mukapanga chihanya na chifuku.+ 18  A Yehova, kumbukani msinjiro wa mulwani winu, Umo vindere vikuyuyulira zina linu.+ 19  Mungapelekanga chara umoyo wa njiŵa yinu ku vikoko vyamuthondo. Mungaluwirangathu chara umoyo wa ŵanthu ŵinu awo ŵakuyuzgika. 20  Kumbukani phangano, Pakuti malo gha mdima gha charu chapasi ghazura na ŵanthu ŵankhaza. 21  Awo ŵakukandilizgika ŵaleke kuwelera uku ŵakhuŵazgika.+ Ŵakuyuyuka na ŵakavu ŵalumbe zina linu.+ 22  Wukani, A Chiuta, jivikilirani mwaŵene. Kumbukani msinjiro uwo vindere vikumuchitirani zuŵa lose.+ 23  Mungaluwanga chara ivyo ŵalwani ŵinu ŵakuyowoya. Kubangura kwa awo ŵakumupepurani kukukwera nyengo zose.

Mazgu Ghamusi

Mazgu gheneko, “kusunkha.”
Mazgu gheneko, “wumba winu uwo.”
Panji kuti, “chakungweluskira.”