Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 73:1-28

IVYO VILI MU BUKU ILI

  • Munthu wakopa Chiuta wambaso kutemwa vyauzimu

    • “Malundi ghane ghakakhala pachoko kupuluka” (2)

    • “Nkhakweŵeka zuŵa lose” (14)

    • “M’paka nkhanjira mu malo ghakupatulika gha Chiuta” (17)

    • Ŵaheni ŵali pa malo ghakutelemuka (18)

    • Ntchiwemi kusendelera kwa Chiuta (28)

Sumu ya Asafu.+ 73  Chiuta ni muwemi nadi kwa Israyeli, ku awo mbakutowa mu mtima.+   Kweni ine malundi ghane ghakakhala pachoko kupuluka, Malundi ghane ghakaŵa pafupi kutelemuka.+   Pakuti nkhaŵa na sanji na ŵakujikuzga,* Pakuwona mtende wa ŵaheni.+   Chifukwa ŵakupulika vyakuŵinya mu nyifwa zawo chara, Mathupi ghawo ngankhongono.*+   Ŵakusuzgika nga mbanthu ŵanyake chara,+ Nesi kukweŵeka nga mbanthu ŵanji.+   Ntheura kujikuzga ntchitoweskero cha mu singo zawo,+ Nkhaza zili nga ntchakuvwara chawo.   Maso ghawo ghakunyotoka chifukwa cha manoni ghawo. Ivyo ŵasanga vyaluska ivyo mitima yawo yikaghanaghananga.   Ŵakuhoya na kuyowoya viheni.+ Mwakujikuzga, ŵakufingira ŵanthu kuti ŵaŵayuzgenge.+   Ŵakuyowoya nga kuti ŵali kuchanya, Malulimi ghawo ghakwendendeka mu charu chapasi. 10  Ntheura ŵanthu ŵake ŵakupatukira kwa iwo, Ndipo ŵakumwapo maji ghawo ghanandi. 11  Iwo ŵakuti: “Chiuta wakumanya wuli?+ Kasi Wapachanya Nkhanira wakumanya nadi?” 12  Aŵa ndiwo ŵaheni, awo nyengo zose ŵakukhala makora.+ Ŵakulutilira kusazgirako usambazi wawo.+ 13  Nadi, natozga mtima wane pawaka Na kugeza mawoko ghane kuti nilije mulandu.+ 14  Nkhakweŵeka zuŵa lose,+ Kulangika mulenji uliwose.+ 15  Kweni niŵenge kuti nayowoya vinthu ivi, Mphanyi nkhaziyamo ŵanthu ŵinu.* 16  Apo nkhayezga kuti nichipulikiske, Chikanisuzga, 17  M’paka nkhanjira mu malo ghakupatulika gha Chiuta, Ndipo nkhamanya umaliro wawo. 18  Mwaŵaŵika nadi pa malo ghakutelemuka.+ Mukuŵawiskira mu pharanyiko lawo.+ 19  Ŵakuparanyika mu nyengo yichoko waka.+ Ŵakumalizgika mwaluŵiro ndipo umaliro wawo ukuŵa uheni. 20  A Yehova, nga ni loto para munthu wawuka, Para mwajiwuska, muŵakanenge.* 21  Kweni mtima wane ukaŵinya,+ Nkhapulika ulwilwi ukuru mukati mwane,* 22  Nkhaŵa muzeleza, wambura kupulikiska. Pamaso pinu nkhaŵa nga ntchikoko chambura mahara. 23  Kweni sono nili namwe nyengo zose. Mwanikora ku woko lane lamalyero.+ 24  Mukunidangilira na ulongozgi winu,+ Pamanyuma munilongozgerenge ku uchindami.+ 25  Kasi nili na njani kuchanya? Padera pa imwe, palije icho nkhudokera pa charu chapasi.+ 26  Thupi lane na mtima wane vingatondeka, Kweni Chiuta ni jalawe la mtima wane na chigaŵa chane muyirayira.+ 27  Nadi, awo ŵakutalikirana namwe ŵamalenge. Muparanyenge* waliyose uyo wakuchita uzaghali* na kumusidani.+ 28  Kweni kwa ine, ntchiwemi kusendelera kwa Chiuta.+ Naŵika Fumu Yikuru Yehova kuŵa malo ghane ghakubisamamo, Kuti nipharazge milimo yinu yose.+

Mazgu Ghamusi

Panji kuti, “ŵakujithumbwa.”
Panji kuti, “Nthumbo zawo zili pweku!”
Mazgu gheneko, “muwiro wa ŵana ŵinu.”
Mazgu gheneko, “muŵapepurenge.”
Mazgu gheneko, “mu ziso zane.”
Panji kuti, “Muchetamiskenge.”
Panji kuti, “wambura kugomezgeka.”