Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 72:1-20

IVYO VILI MU BUKU ILI

  • Muwuso wamtende wa themba la Chiuta

    • “Ŵarunji ŵazamutikitira” (7)

    • Ŵanthu ŵazamukhala kufuma ku nyanja m’paka ku nyanja (8)

    • Kuthaskika ku nkhaza (14)

    • Vyakurya vinandi pa charu chapasi (16)

    • Zina la Chiuta likulumbika muyirayira (19)

Salimo lakuyowoya vya Solomoni. 72  A Chiuta, pelekani vyeruzgo vinu kwa themba, Mupani urunji winu mwana wa themba.+   Weruzge mulandu wa ŵanthu ŵinu mu urunji Na wa ŵakuyuzgika ŵinu mwakunyoloka.+   Mapiri ghape ŵanthu mtende, Ndipo tumapiri tuŵape urunji.   Wavikilire* ŵakavu pakati pa ŵanthu, Waponoske ŵana ŵa ŵakavu, Na kung’anya mukhuluku.+   Ŵamuwopaninge, chikuru kuli dazi, Kweniso chikuru mwezi uchalipo, Ku muwiro na muwiro.+   Waŵenge nga ni vula iyo yikulokwera pa utheka wakusengeka,* Nga ni vula yamswera iyo yikuthilira charu chapasi.+   Mu mazuŵa ghake ŵarunji ŵazamutikitira,+ Ndipo kuzamuŵa mtende wakuzara,+ m’paka mwezi umare.   Wazamuwusa kwamba ku nyanja m’paka ku nyanja, Kufuma ku Mlonga* m’paka ku vigoti vya charu chapasi.+   Awo ŵakukhala mu chipalamba ŵazamusindama panthazi pake, Ŵalwani ŵake ŵazamumyanga fuvu.+ 10  Mathemba gha ku Tarishishi na gha mu virwa ghazamwiza na mithulo.+ Mathemba gha Sheba na Seba ghazamupeleka vyawanangwa.+ 11  Mathemba ghose ghazamusindama panthazi pake. Ndipo mitundu yose yizamumuteŵetera. 12  Pakuti wazamuthaska mukavu uyo wakulilira wovwiri, Wakuyuyuka na yose uyo walije movwiri. 13  Wazamuchitira chitima wakuyuyuka na mukavu, Ndipo wazamuponoska umoyo wa ŵakavu. 14  Wazamuŵathaska ku kuyuzga na nkhaza, Ndopa zawo zizamuŵa zakuzirwa mu maso ghake. 15  Waŵe wamoyo, ndipo golide la ku Sheba lipike kwa iyo.+ Ŵamulombere nyengo zose, Watumbikike zuŵa lose. 16  Muzamuŵa vyakurya vinandi mu charu.+ Vizamuŵa na pachanya pa mapiri. Chipambi chake chizamuŵa nga ntcha ku Lebanoni,+ Ŵanthu ŵazamutikitira mu msumba nga ni vyakumera pa charu chapasi.+ 17  Zina lake likhalilire muyirayira,+ Lilutilire kuŵako nga umo dazi liliri, Ŵanthu ŵasange thumbiko kwizira mwa iyo,+ Mitundu yose yimucheme kuti ngwakukondwa. 18  Yehova Chiuta walumbike, Chiuta wa Israyeli,+ Mweneuyo yekha pera wakuchita vinthu vyakuzizwiska.+ 19  Zina lake lauchindami lilumbike muyirayira,+ Uchindami wake uzure charu chose chapasi.+ Ameni na Ameni. 20  Uku nkhumara kwa malurombo gha Davide, mwana wa Yese.+

Mazgu Ghamusi

Mazgu gheneko, “Weruzge.”
Mazgu ghanyake, “wakwiphika.”
Ndiko kuti, Yufurate.