Lutani apo pali nkhani

Lutani apo pali mitu ya nkhani

Masalimo 7:1-17

IVYO VILI MU BUKU ILI

  • Yehova ni Mweruzgi murunji

    • “Neruzgani, A Yehova” (8)

Sumu yachitengero iyo Davide wakimbira Yehova chifukwa cha mazgu gha Kushi Mubenjamini. 7  A Yehova Chiuta wane, mwa imwe ndimo nkhubisama.+ Niponoskani na kunithaska ku wose awo ŵakunitambuzga.+   Para mwaleka, ŵanitwazurenge nga ni nkhalamu,+Ŵanizwanyurenge kwambura munthu wakunithaska.   A Yehova Chiuta wane, usange nachita uheni uliwose,Usange nindachite makora,   Usange nabudira uyo wakunichitira uwemi,+Panji usange naphanga vinthu vya mulwani wane kwambura chifukwa,*   Mbwenu mulwani waniskere na kunikora.Wakandilizgire pasi umoyo waneNdipo uchindami wane wawumalizgire mu fuvu. (Selah)   Wukani mu ukali winu, A Yehova.Milirani kuti mwimikane na kutukutwa kwa ŵalwani ŵane,+Wukani chifukwa cha ine, langurani kuti urunji uchitike.+   Mitundu yimuzingilizgani,Ndipo mwimikanenge nawo kufuma kuchanya.   Yehova ndiyo wadumurenge mulandu wa ŵanthu.+ Neruzgani, A Yehova, kuyana na urunji waneKweniso kuyana na kunyoloka kwane.+   Nkhumuŵeyani, mazgani milimo yiheni ya ŵaheni. Kweni ŵarunji muŵakhozge,+Pakuti ndimwe Chiuta murunji+ uyo wakusanda mtima+ na mukati mu maghanoghano.*+ 10  Chiuta ntchiskango+ chane, ni Mponoski wa awo mbakunyoloka mu mtima.+ 11  Chiuta ni Mweruzgi waurunji,+Chiuta wakupharazga vyeruzgo* vyake zuŵa na zuŵa. 12  Usange munthu wakuwerako chara ku uheni,+ Chiuta wakunora lupanga lwake.+Wakupinda uta wake, kunozgekera kuponya.+ 13  Wakunozga vilwero vyake vya nyifwa.Wakunozga mivi yake yamoto.+ 14  Laŵiskani pa uyo wali na nthumbo ya uheni,Wakuzuwuka* suzgo na kubaba utesi.+ 15  Wakujima mbuna nyang’anyang’a,Kweni wakuwira mu khululu ilo wajima yekha.+ 16  Suzgo ilo wambiska liwelerenge pa mutu wake,+Nkhaza zake ziwenge pa luwombo lwake. 17  Nilumbenge Yehova chifukwa cha urunji wake,+Nimbirenge malumbo zina la Yehova+ Wapachanya Nkhanira.+

Mazgu Ghamusi

Pangayowoyekaso kuti, “Apo nkhamuleka waka uyo wakimikana nane kwambura chifukwa.”
Panji kuti, “wakusanda mitima na ziso.”
Panji kuti, “vilango.”
Mazgu ghanyake, “Wakutora nthumbo.”