Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 64:1-10

IVYO VILI MU BUKU ILI

  • Kuvikilirika ku viŵembu

    • “Chiuta waŵalasenge” (7)

Kwa wakulongozga sumu. Sumu ya Davide. 64  Pulikani mazgu ghane, A Chiuta, apo nkhuŵeya.+ Sungilirani umoyo wane kuti uleke kutenthema na mulwani.   Nivikilirani ku ŵanthu ŵaheni awo ŵakwata viŵembu ku udesi,+ Ku mzinda wa awo ŵakuchita uheni.   Ŵakunora malulimi ghawo nga ni lupanga. Ŵakudinika mazgu ghawo ghankhaza nga ni mivi,   Kuti ŵalase munthu wambura kafukwa mu malo agho ŵabisama. Mwamabuchi ŵakumulasa kwambura kopa.   Ŵakukosera pa khumbo lawo liheni. Ŵakudumbiskana umo ŵangabisira vipingo vyawo. Ŵakuti: “Ni njani waviwonenge?”+   Ŵakupenja nthowa ziphya zakuchitira viheni. Mwauchenjezi ŵakunozga viŵembu ku ubende,+ Ivyo waliyose wakughanaghana mu mtima wake ni vyakusuzga kuvipulikiska.   Kweni Chiuta waŵalasenge.+ Mwamabuchi ŵapwetekekenge na muvi.   Malulimi ghawo ghaŵawiskenge.+ Wose awo ŵakuwona, ŵapukunyenge mitu,   Penepapo ŵanthu wose ŵachitenge wofi. Ndipo ŵapharazgenge ivyo Chiuta wachita, Ŵapulikiskenge milimo yake.+ 10  Murunji wasekelerenge mwa Yehova na kubisama mwa iyo.+ Wose ŵakunyoloka mu mtima ŵazayenge.*

Mazgu Ghamusi

Panji kuti, “ŵathumbwenge.”