Vya screen reader

Sankhani chiyowoyero

Lutani pa menyu yachiŵiri

Lutani apo pali mitu ya nkhani

Lutani apo pali nkhani

Ŵakaboni ŵa Yehova

Chitumbuka

Baibolo la pa Intaneti

MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 63:1-11

IVYO VILI MU BUKU ILI

  • Kunwekera Chiuta

    • “Lusungu lwinu nduwemi kuluska umoyo” (3)

    • “Nakhorwa na chigaŵa chiwemi” (5)

    •  Kughanaghanira vya Chiuta nausiku (6)

    • ‘Nkhudemelera kwa Chiuta’ (8)

Sumu ya Davide, apo wakaŵa mu mapopa gha Yuda.+ 63  A Chiuta, ndimwe Chiuta wane, nkhupenja imwe.+ Umoyo wane wose ukomilirwa imwe.+ Napuzuka chifukwa cha kunwekera imwe, Mu charu chakomira na chachinkhamwa umo mulije maji.+   Ntheura namuwonerani mu malo ghatuŵa, Nawona nkhongono zinu na uchindami winu.+   Pakuti lusungu* lwinu nduwemi kuluska umoyo,+ Milomo yane yimuchindikaninge.+   Ntheura nimulumbaninge umoyo wane wose. Mu zina linu, nitumphuskenge mawoko ghane.   Nakhorwa na chigaŵa chiwemi chanabwinabwi,* Ntheura mulomo wane umulumbaninge pamoza na chimwemwe pa milomo yane.+   Nkhumukumbukani para nili pa bedi lane. Nkhughanaghanira vya imwe mu maulinda gha usiku.+   Pakuti ndimwe movwiri wane,+ Nkhuchemerezga mwachimwemwe mu mfwiri wa mapapindo ghinu.+   Nkhudemelera kwa imwe. Woko linu lamalyero likunikolelera.+   Kweni awo ŵakukhumba kunanga umoyo wane Ŵakhilirenge kusi ku charu chapasi. 10  Ŵapelekekenge ku nkhongono za lupanga. Ŵaŵenge chakurya cha ŵakambwe. 11  Kweni themba lisekelerenge mwa Chiuta. Munthu waliyose uyo wakulapa mwa iyo wazayenge,* Pakuti milomo ya awo ŵakuyowoya utesi yichetamiskikenge.

Mazgu Ghamusi

Panji kuti, “chitemwa chakugomezgeka.”
Mazgu gheneko, “cha mafuta.”
Panji kuti, “wathumbwenge.”