Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 62:1-12

IVYO VILI MU BUKU ILI

  • Chiponosko cheneko chikufuma kwa Chiuta

    • “Nkhulindilira waka chete kwa Chiuta” (1, 5)

    • ‘Pungulirani mitima yinu pamaso pa Chiuta’ (8)

    • Ŵanthu ni mvuchi pera (9)

    • Mungathembanga usambazi chara (10)

Kwa wakulongozga sumu pa Yedutuni.* Sumu ya Davide. 62  Nadi, nkhulindilira waka chete kwa Chiuta. Chiponosko chane chikufuma kwa iyo.+   Ndiyo nadi jalawe lane na chiponosko chane, chigongwe chane chakukhora.+ Nisunkhunyikenge chomene chara.+   Kasi muwukirenge munthu m’paka pawuli kuti mumukome?+ Mose muli ŵakofya nga ntchiliŵa chakuleghalegha, chiliŵa chamalibwe icho chili pafupi kuwa.   Pakuti ŵakupangana kuti ŵamugodobore pa udindo wake wapachanya. Ŵakukondwa na utesi. Ŵakutumbika na mulomo wawo, kweni mukati mwawo ŵakutemba.+ (Selah)   Nadi, nkhulindilira waka chete kwa Chiuta,+ Pakuti chigomezgo chane chili mwa iyo.+   Ndiyo nadi jalawe lane na chiponosko chane, chigongwe chane chakukhora. Nisunkhunyikenge chara.+   Chiponosko chane na uchindami wane vikuthemba pa Chiuta. Jalawe lane lakukhora, chiphokwero chane ni Chiuta.+   Thembani mwa iyo nyengo zose, imwe mwaŵanthu. Pungulirani mitima yinu pamaso pake.+ Chiuta ntchiphokwero chithu.+ (Selah)   Ŵana ŵa ŵanthu ni mvuchi pera, Ŵana ŵa ŵanthu mbutesi pera.+ Para wose pamoza ŵaŵikika pa sikelo, mbakupepuka kuluska mvuchi.+ 10  Ungathembanga pa kuphanga vinthu vyaŵene yayi, Panji kugomezga unkhungu. Usange usambazi wako wandana, ungaŵikanga mtima wako pa iwo chara.+ 11  Chiuta wayowoya kamoza, ine napulika ichi kaŵiri: Kuti nkhongono ni za Chiuta.+ 12  Lusungu* nalo ndwinu, A Yehova,+ Pakuti mukuwezgera munthu yose kuyana na milimo yake.+

Mazgu Ghamusi

Panji kuti, “Chitemwa chakugomezgeka.”