Lutani apo pali nkhani

Lutani pa menyu yachiŵiri

Lutani apo pali mitu ya nkhani

Ŵakaboni ŵa Yehova

Chitumbuka

Baibolo la pa Intaneti | MALEMBA GHAKUPATULIKA MU MANG'ANAMULIRO GHA CHARU CHIPHYA

Masalimo 60:1-12

IVYO VILI MU BUKU ILI

  • Chiuta wakuthereska ŵalwani

    • Chiponosko cha ŵanthu ntchawaka (11)

    • “Tisangenge nkhongono mwa Chiuta” (12)

Kwa wakulongozga sumu. Yichunikire pa “Maluŵa gha Chikumbusko.” Mikitamu.* Salimo la Davide lakusambizgira ŵanthu. Wakimba apo wakarwa na Aramu-naharayimu na Aramu-Zoba, ndipo Yowabu wakawerako na kukoma Ŵaedomu 12,000 mu Dambo la Mchere.+ 60  A Chiuta, mukatikana, mukabwangandura chivikiliro chithu,+ Mukatikwiyira, kweni sono, tipokeleraniso.   Mukasunkhunya charu chapasi, mukaching’alura. Nozgani malumwa ghake, pakuti chikuwa.   Mukawoneska ŵanthu ŵinu suzgo. Mukatimweska vinyo ilo likatiyendeska penthyapenthya.+   Pelekani* chimanyikwiro ku awo ŵakumopani Kuti ŵachimbilireko na kuŵeka mauta. (Selah)   Mwakuti ŵakutemweka ŵinu ŵathaskike, Tiponoskani na woko linu lamalyero na kutizgora.+   Chiuta wayowoya mu utuŵa wake* kuti: “Nizayenge, nipelekenge Shekemu kuŵa chiharo,+ Ndipo nipimenge Dambo* la Sukoti.+   Giliyadi ngwane, Manase nayo ngwane,+ Ndipo Efurayimu ntchisoti* cha ku mutu wane. Yuda ni ndodo yane ya mulongozgi.+   Mowabu ntchimphani chane chakugezeramo.+ Niponyenge chilyato* chane pa Edomu.+ Nichemerezgenge mwauchatonda pa Filisitiya.”+   Kasi ni njani wanitolerenge ku msumba wakuzingilizgika? Ni njani wanidangilirenge m’paka ku Edomu?+ 10  Asi ndimwe, A Chiuta, mwaŵeneimwe mwatikana, Chiuta withu, uyo wakulutaso nase yayi ku nkhondo?+ 11  Tovwirani mu suzgo yithu, Pakuti chiponosko cha ŵanthu ntchawaka.+ 12  Tisangenge nkhongono mwa Chiuta,+ Ndipo wadyakirenge pasi awo ŵakupindikana nase.+

Mazgu Ghamusi

Pangayowoyekaso kuti, “Mwapeleka.”
Pangayowoyekaso kuti, “malo ghake ghatuŵa.”
Panji kuti, “Chidika cha.”
Mazgu gheneko, “ni linga lakukhora ku.”
Mazgu ghanyake, “nkhwaŵira; nkhwato.”